2ನೇ ದಿನವೂ ಸಿಗದ ಪಿಯು ಸ್ಕ್ಯಾನ್‌ ಪ್ರತಿ

ಬೆಂಗಳೂರು: ದ್ವಿತೀಯ ಪಿಯುಸಿ ಪರೀಕ್ಷಾ ಉತ್ತರ ಪತ್ರಿಕೆಗಳ ಸ್ಯಾನ್‌ ಪ್ರತಿಗೆ ಅರ್ಜಿ ಸಲ್ಲಿಸಿದ್ದ ವಿದ್ಯಾರ್ಥಿಗಳು ಸತತ ಎರಡನೇ ದಿನವೂ ಸ್ಕ್ಯಾನ್‌ ಪ್ರತಿ ಸಿಗದೆ ಪರದಾಡಿದರು.

ಬುಧವಾರದಿಂದ ಸ್ಕ್ಯಾನ್‌ ಪ್ರತಿ ದೊರೆಯಬೇಕಿತ್ತು. ಆದರೆ ಬುಧವಾರ ತಾಂತ್ರಿಕ ಕಾರಣಗಳಿಂದ ಸ್ಕ್ಯಾನ್‌ ಪ್ರತಿಗಳನ್ನು ಅಪ್‌ಲೋಡ್‌ ಮಾಡಲು ಸಾಧ್ಯವಿಲ್ಲ. ಗುರುವಾರ ಮಧ್ಯಾಹ್ನ 12 ಗಂಟೆ ಸುಮಾರಿಗೆ ಸರಿಪಡಿಸುವುದಾಗಿ ಇಲಾಖೆ ತಿಳಿಸಿತ್ತು.  ಸಮಸ್ಯೆ ಗುರುವಾರವೂ ಮುಂದುವರಿದಿದೆ.

ಮರು ಮೌಲ್ಯಮಾಪನ ಹಾಗೂ ಮರು  ಎಣಿಕೆಗೆ ಅರ್ಜಿ ಸಲ್ಲಿಸುವ ಅವಧಿ ಕೂಡ ಕಡಿಮೆ ಇರುವುದರಿಂದ ಇಲಾಖೆ ಈ ರೀತಿ ಸಮಸ್ಯೆ ಬಗೆಹರಿಸದೆ ನಿರ್ಲಕ್ಷ್ಯ ವಹಿಸಿರುವುದು ಸರಿಯಲ್ಲ ಎಂದು ವಿದ್ಯಾರ್ಥಿಗಳು ಮತ್ತು ಪೋಷಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.