ಒಂದು ಸಾವಿರ ರೂ. ದರದಲ್ಲಿ ಉತ್ತಮ ಇಯರ್ ಬಡ್: ಯಾವುದಿದು?  

pTron ಇತ್ತೀಚೆಗೆ ಭಾರತದಲ್ಲಿ pTron Bassbuds Wave ಎಂಬ ಹೊಸ TWS ಇಯರ್‌ಬಡ್‌ ಹೊರತಂದಿದೆ. ಇದು ಆರಂಭಿಕ ದರ್ಜೆಯ ಇಯರ್‌ಬಡ್  ಆಗಿದ್ದು, IPX4 ರೇಟಿಂಗ್, ಮೂವಿ ಮೋಡ್, DSP ನಾಯ್ಸ್ ಕ್ಯಾನ್ಸಲೇಷನ್‍, AAC ಕೊಡೆಕ್ ಬೆಂಬಲ, 40-ಗಂಟೆಗಳ ಸಂಗೀತ ಪ್ಲೇಟೈಮ್ ಮತ್ತಿತರ ವಿಶೇಷಣಗಳನ್ನು ಹೊಂದಿದೆ. ಇದರ ದರ 1199 ರೂ. ಇದ್ದು, ಅಮೆಜಾನ್‍ ನಲ್ಲಿ ಆಗಾಗ ಡೀಲ್‍ ಆಫ್‍ ದ ಡೇ ಆಫರ್‍ ನಲ್ಲಿ 999 ರೂ. ಗೆ ದೊರೆಯುತ್ತದೆ.

ಮೊದಲಿಗೆ ಇದರ ಸ್ಪೆಸಿಫಿಕೇಷನ್‍ ಇಂತಿದೆ:

• Bluetooth: v5.3
• Bluetooth range: 10 meters
• Supported codecs: SBC, AAC
• IP rating: IPX4
• Driver: 8mm Dynamic
• Earbuds battery: 40mAh x 2
• Case battery: 300mAh
• Charging time: Earbuds – 60 Min / Case – 90min
• Charging voltage: DC 5V-1A
• Music playtime: Up to 40 hours (Total)
• USB port: USB-C
• Microphones: Dual
• Earbud weight: 8g
• Gross weight: 40g

ವಿನ್ಯಾಸ: ಈ ಇಯರ್‌ಬಡ್‌ಗಳಿಗೆ ಅಂಡಾಕಾರದ ಚಾರ್ಜಿಂಗ್ ಕೇಸ್ ನೀಡಲಾಗಿದೆ. ಕೇಸ್‍ ಮ್ಯಾಟ್‍ ಫಿನಿಶ್‍ ಹೊಂದಿದೆ.  ಕೇಸ್ ಮತ್ತು ಇಯರ್‌ಬಡ್‌ಗಳಲ್ಲಿ ಎಡ ಮತ್ತು ಬಲವನ್ನು ಸೂಚಿಸುವ ಗುರುತಿದೆ. ಎರಡೂ ಇಯರ್‌ಬಡ್‌ಗಳು ಆಯಾ ಸ್ಲಾಟ್‌ಗಳಿಗೆ ಆಯಸ್ಕಾಂತೀಯವಾಗಿ ಅಂಟಿಕೊಂಡಿವೆ ಸಂಪರ್ಕಗೊಂಡಿವೆ ಮತ್ತು ನೀವು ಕೇಸ್‌ನ ಮುಚ್ಚಳವನ್ನು ತೆರೆದು ಅದನ್ನು ಕೆಳಕ್ಕೆ ಎದುರಿಸಿದರೂ ಅವು ಬೀಳುವುದಿಲ್ಲ.

USB-C ಪೋರ್ಟ್  ಚಾರ್ಜಿಂಗ್ ಕೇಸ್‌ನ ಹಿಂಭಾಗದಲ್ಲಿದೆ. 5V-1A ಪವರ್ ಅಡಾಪ್ಟರ್ ಅನ್ನು ಬಳಸಿಕೊಂಡು ಕೇಸ್ ಅನ್ನು ಚಾರ್ಜ್ ಮಾಡಬಹುದು. pTron ಪ್ಯಾಕೇಜ್‌ನೊಂದಿಗೆ USB-C ಕೇಬಲ್ ಅನ್ನು ನೀಡಿದೆ. ಆದರೆ ಕೇಸ್ ಅನ್ನು ಚಾರ್ಜ್ ಮಾಡಲು ನಮ್ಮಲ್ಲಿರುವ ಚಾರ್ಜರ್ ಅಥವಾ ಪವರ್ ಬ್ಯಾಂಕ್ ಬಳಸಬೇಕಾಗುತ್ತದೆ. USB ಪೋರ್ಟ್‌ನ ಕೆಳಗೆ ಎಲ್‌ಇಡಿ ಸೂಚಕವನ್ನು ಇರಿಸಲಾಗಿದ್ದು ಅದು  ಚಾರ್ಜಿಂಗ್ ಮಟ್ಟವನ್ನು ತಿಳಿಸುತ್ತದೆ.

ಇಯರ್‌ಬಡ್‌ಗಳು ಹಗುರವಾಗಿವೆ. ಆರಾಮದಾಯಕ ಫಿಟ್‌ಗಾಗಿ ದುಂಡಗೂ ಅಲ್ಲದ ಅಥವಾ ಉದ್ದದ ಸ್ಟಿಕ್‍ ಇಲ್ಲದ ವಿಶಿಷ್ಟ ವಿನ್ಯಾಸ ಹೊಂದಿವೆ. ಕಿವಿಗೆ ಸರಿಯಾಗಿ ಅಂಟಿಕೊಳ್ಳುತ್ತದೆ.  ಕಿವಿಯಿಂದ ಸುಲಭಕ್ಕೆ  ಬೀಳುವುದಿಲ್ಲ.  ನಮಗೆ ಹೊಂದುವ ಮೂರು ಅಳತೆಯ ಸಿಲಿಕಾನ್ ಟಿಪ್‍ ನೀಡಲಾಗಿದೆ. ಡಿಫಾಲ್ಟ್ ಆಗಿರುವ ಮೀಡಿಯಂ ಟಿಪ್‍ ಬಹುತೇಕರಿಗೆ ಸರಿ ಹೊಂದುತ್ತದೆ.

ಇಯರ್‌ಬಡ್‌ಗಳು IPX4 ರೇಟಿಂಗ್ ಹೊಂದಿದ್ದು, ಬೆವರು ಮತ್ತು ನೀರು-ನಿರೋಧಕವಾಗಿರುತ್ತವೆ. ಎರಡೂ ಇಯರ್‌ಬಡ್‌ಗಳಲ್ಲಿ ಸ್ಪರ್ಶ ನಿಯಂತ್ರಕ ಇದೆ. ಬೆರಳು ಬಳಸಿ ಟ್ಯಾಪ್‍ ಮಾಡುವ ಮೂಲಕ ಸಂಗೀತ ನಿಲ್ಲಿಸಬಹುದು, ಕರೆ ಸ್ವೀಕರಿಸಬಹುದು, ಕರೆ ತುಂಡರಿಸಬಹುದು.

ಸಂಪರ್ಕ: ಫೋನ್ ಅಥವಾ ಲ್ಯಾಪ್‌ಟಾಪ್‌ಗೆ pTron Bassbuds Wave ಅನ್ನು ಸಂಪರ್ಕಿಸಲು, ಚಾರ್ಜಿಂಗ್ ಕೇಸ್‌ನಿಂದ ಎರಡೂ ಇಯರ್‌ಬಡ್‌ಗಳನ್ನು ಹೊರತೆಗೆಯಬೇಕು.  ಇಯರ್‌ಬಡ್‌ಗಳು ಸ್ವಯಂಚಾಲಿತವಾಗಿ ಆನ್ ಆಗುತ್ತವೆ ಫೋನ್‍ನ ಬ್ಲೂಟೂತ್‍ ನಲ್ಲಿ ಪಿಟ್ರಾನ್‍ ಬಾಸ್‍ಬಡ್ಸ್ ವೇವ್‍ ಹೆಸರು ಕಾಣಿಸುತ್ತದೆ. ಅದನ್ನು ಒತ್ತಿದ ಬಳಿಕ ಫೋನಿನಲ್ಲಿ ಕಾಣುವ ಪೇರ್‍ ಆಯ್ಕೆಯನ್ನು ಮಾಡಿದರೆ ಬಡ್‍ಗಳು ಫೋನಿಗೆ ಕನೆಕ್ಟ್ ಆಗುತ್ತವೆ. ಒಮ್ಮೆ ಹೀಗೆ ಮಾಡಿದರೆ ಸಾಕು ನಂತರ ಬಡ್ ಗಳನ್ನು ಕೇಸ್‍ನಿಂದ ತೆಗೆದ ತಕ್ಷಣ ಫೋನಿಗೆ ತನ್ನಿಂತಾನೇ ಕನೆಕ್ಟ್ ಆಗುತ್ತದೆ.

ಕಾರ್ಯಾಚರಣೆ: ಈ ಇಯರ್‌ಬಡ್‌ಗಳು 8mm ಡೈನಾಮಿಕ್ ಡ್ರೈವರ್‍ ಹೊಂದಿವೆ. ಇಯರ್‌ಬಡ್‌ಗಳು (8 ಗ್ರಾಂ) ತುಂಬಾ ಹಗುರವಾಗಿವೆ.

ಇಯರ್‌ಬಡ್‌ಗಳು 10 ಮೀಟರ್ ವೈರ್‌ಲೆಸ್ ವಲಯ ಹೊಂದಿವೆ ಮತ್ತು ಸಂಪರ್ಕ ಅತ್ಯುತ್ತಮವಾಗಿದೆ.

ಆಡಿಯೊ ಔಟ್‌ಪುಟ್  ಚೆನ್ನಾಗಿದೆ. ಬಾಸ್‍ ಗುಣಮಟ್ಟ ಒಂದು ಮಟ್ಟದಲ್ಲಿದೆ. 100% ವಾಲ್ಯೂಮ್ ಮಟ್ಟಗಳಲ್ಲಿಯೂ ಸಹ ಧ್ವನಿ ಗುಣಮಟ್ಟದಲ್ಲಿ ಯಾವುದೇ ಅಸ್ಪಷ್ಟತೆ ಇಲ್ಲ. ಒಟ್ಟಾರೆಯಾಗಿ, ಧ್ವನಿ ಔಟ್‌ಪುಟ್ ಸಮತೋಲಿತವಾಗಿದೆ.

ಈ ಇಯರ್‌ಬಡ್‌ಗಳು ಮ್ಯೂಸಿಕ್‍ ಮತ್ತು ಮೂವಿ ಎಂಬ ಎರಡು ಆಡಿಯೊ ಮೋಡ್‌ಗಳನ್ನು ಬೆಂಬಲಿಸುತ್ತವೆ – ಮೂವಿ ಮೋಡ್ ಆಡಿಯೊ ಲ್ಯಾಗ್ ಅನ್ನು ಕಡಿಮೆ ಮಾಡುತ್ತದೆ (50 ಎಂಎಸ್ ಲೇಟೆನ್ಸಿ). ಫೋನ್, ಟ್ಯಾಬ್‍ ಅಥವಾ ಲ್ಯಾಪ್‌ಟಾಪ್‌ನಲ್ಲಿ ಚಲನಚಿತ್ರಗಳನ್ನು ವೀಕ್ಷಿಸುವಾಗ ಆಡಿಯೊ ವಿಳಂಬವನ್ನು ತಡೆಯುತ್ತದೆ. ಮೂವಿ ಮೋಡ್‌ಗೆ ಬದಲಾಯಿಸಲು, 2-3 ಸೆಕೆಂಡುಗಳ ಕಾಲ ಬಲ ಬದಿಯ ಸಂವೇದಕವನ್ನು ಸ್ಪರ್ಶಿಸಿ ಹೋಲ್ಡ್ ಮಾಡಬೇಕು.

ಕರೆ ಗುಣಮಟ್ಟ:  pTron Bassbuds Wave ಕರೆಯಲ್ಲಿ ಮಾತನಾಡಲು ಚೆನ್ನಾಗಿದೆ. ಇದರಲ್ಲಿ ಡುಯಲ್‍ ಮೈಕ್ರೋಫೋನ್‍ ಇದ್ದು, ಪರಿಸರದ ಶಬ್ದ ಅತ್ತಲಿಂದ ಕರೆ ಮಾಡುವವರಿಗೆ ಕೇಳಿಸದಂತೆ ತಡೆ ಹಿಡಿಯುತ್ತವೆ.  ಸಾಧಾರಣ ವೇಗದಲ್ಲಿ ಬೈಕ್‍ನಲ್ಲಿ ಹೋಗುತ್ತಿರುವಾಗಲೂ ಮಾತನಾಡಿದರೆ ಅತ್ತಲಿನವರಿಂದ ಧ್ವನಿ ಕೇಳುವುದಿಲ್ಲ ಎಂಬ ದೂರು ಇರುವುದಿಲ್ಲ.

ಒಮ್ಮೆ ಸಕ್ರಿಯಗೊಳಿಸಿದ ನಂತರ, ‘ಮೂವಿ ಮೋಡ್’ ಎಂದು ಹೇಳುವ ಧ್ವನಿ ಕೇಳುತ್ತದೆ.  ನಂತರ, ಮತ್ತೆ, ಮ್ಯೂಸಿಕ್‍ ಮೋಡ್‌ಗೆ ಹಿಂತಿರುಗಲು 2-3 ಸೆಕೆಂಡುಗಳ ಕಾಲ ಬಲಬದಿಯ ಸಂವೇದಕವನ್ನು ಸ್ಪರ್ಶಿಸಿ  ಹೋಲ್ಡ್ ಮಾಡಿದಾಗ ‘ಮ್ಯೂಸಿಕ್ ಮೋಡ್’ ಎಂದು ಹೇಳುವ ಧ್ವನಿ ಕೇಳುತ್ತದೆ. ಇದು ಫೋನಿನಲ್ಲಿ ಸಂಗೀತ ಆಲಿಸಲು ಸೂಕ್ತವಾಗಿದೆ.

ಧ್ವನಿ ಸಹಾಯಕ: ಈ ಇಯರ್‌ಬಡ್‌ಗಳು ಧ್ವನಿ-ಸಹಾಯಕ (ವಾಯ್ಸ್ ಅಸಿಸ್ಟೆಂಟ್‍) ಬೆಂಬಲದೊಂದಿಗೆ ಬರುತ್ತವೆ ಇಯರ್‌ಬಡ್‌ಗಳಿಂದಲೇ Android ಫೋನ್‌ಗಳಲ್ಲಿ ಗೂಗಲ್‍ ಅಸಿಸ್ಟೆಂಟ್‍ ಮತ್ತು iOS ಸಾಧನಗಳಲ್ಲಿ Siri ಅನ್ನು ಟ್ರಿಗರ್ ಮಾಡಬಹುದು.

ಬ್ಯಾಟರಿ: ಪ್ರತಿ ಇಯರ್‌ಬಡ್‌ಗೆ 40mAh ಬ್ಯಾಟರಿಯನ್ನು ಅಳವಡಿಸಲಾಗಿದೆ ಚಾರ್ಜಿಂಗ್ ಕೇಸ್‍ 300mAh ಬ್ಯಾಟರಿ ಹೊಂದಿದೆ. ಸಂಪೂರ್ಣವಾಗಿ ಚಾರ್ಜ್ ಮಾಡಲಾದ ಚಾರ್ಜಿಂಗ್ ಕೇಸ್‌ನೊಂದಿಗೆ, ಸುಮಾರು 35 ಗಂಟೆಗಳವರೆಗೆ ಬ್ಯಾಟರಿ ಬರುತ್ತದೆ  ಸ್ಟ್ಯಾಂಡರ್ಡ್ 5V-1A ಪವರ್ ಅಡಾಪ್ಟರ್ ಅನ್ನು ಬಳಸಿಕೊಂಡು ಕೇಸ್ ಅನ್ನು ಸಂಪೂರ್ಣವಾಗಿ ಚಾರ್ಜ್ ಮಾಡಲು 90 ನಿಮಿಷಗಳನ್ನು ತೆಗೆದುಕೊಳ್ಳುತ್ತದೆ.

pTron Bassbuds Wave ಅದರ ಬೆಲೆಗೆ (1199 ರೂ.) ಹೋಲಿಸಿದಾಗ ನಿಜಕ್ಕೂ ಹಣಕ್ಕೆ ತಕ್ಕ ಮೌಲ್ಯ ಒದಗಿಸುತ್ತದೆ. ಹಾಡು ಕೇಳಲು ಮತ್ತು ಮಾತನಾಡಲು ಕಂಫರ್ಟ್ ಆಗಿದೆ. ಈ ದರಕ್ಕೆ ವೈರ್‍ ಇರುವ ಇಯರ್‍ ಫೋನ್‍ ಗಳನ್ನು ಕೊಳ್ಳುವುದಕ್ಕಿಂತ ಇದನ್ನು ಧಾರಾಳವಾಗಿ ಕೊಳ್ಳಬಹುದು.

-ಕೆ. ಎಸ್‍. ಬನಶಂಕರ ಆರಾಧ್ಯ