ಜಿನೇವಾ: 2020ರಲ್ಲಿ ಚೀನಾದ ವುಹಾನ್‌ ಮಾರುಕಟ್ಟೆಯಿಂದ ಸಂಗ್ರಹಿಸಲಾದ ಕೋವಿಡ್-19 ಸಂಬಂಧಿತ ಸ್ಯಾಂಪಲ್‌ಗಳ ಬಗ್ಗೆ ಚೀನಾ ಪಾರದರ್ಶಕ ಮಾಹಿತಿಗಳನ್ನು ನೀಡುವಂತೆ ವಿಶ್ವ ಆರೋಗ್ಯ ಸಂಸ್ಥೆ ಚೀನಾಗೆ ಎಚ್ಚರಿಕೆ ನೀಡಿದೆ.
ಕೋವಿಡ್-19 ಬಗ್ಗೆ ಚೀನಾ ನಡೆಸಿದ್ದ ತನಿಖೆಗಳ ಬಗ್ಗೆಯೂ ತಿಳಿಸುವಂತೆ ಡಬ್ಲೂಎಚ್‌ಒ ಸೂಚನೆ ನೀಡಿದೆ. ಕೇಂದ್ರ ಚೀನಾದ ವುಹಾನ್‌ ಮಾರುಕಟ್ಟೆಯ ದಿ ಹುಆನನ್‌ ಮಾರುಕಟ್ಟೆ ಕೋವಿಡ್-19 ನ ಮೂಲ ಸ್ಥಾನ ಎಂದು ತಿಳಿದು ಬಂದಿತ್ತು. ಅಲ್ಲಿಂದಲೇ ಕೋವಿಡ್ ವೈರಸ್‌ 2019 ರಲ್ಲಿ ಚೀನಾದಾದ್ಯಂತ ಪಸರಿಸಿ ಆ ಬಳಿಕ ವಿಶ್ವದಾದ್ಯಂತ ಹಬ್ಬಿತ್ತು.
ಇದೀಗ ಕೋವಿಡ್-19 ಬಗೆಗಿನ ಪ್ರಾಥಮಿಕ ತನಿಖೆಯ ವರದಿಗಳನ್ನು ಚೀನಾ ನೀಡದ್ದಕ್ಕೆ ಚೀನಾ ವಿರುದ್ಧ ತಿರುಗಿ ಬಿದ್ದಿರುವ ವಿಶ್ವ ಆರೋಗ್ಯ ಸಂಸ್ಥೆ,ʻ ಚೀನಾ ತಕ್ಷಣವೇ ಕೋವಿಡ್-19 ಬಗೆಗಿನ ಪ್ರತಿಯೊಂದು ಮಾಹಿತಿಯನ್ನೂ ಜಗತ್ತಿಗೆ ನೀಡಬೇಕು.ನಿಜವಾಗಿಯೂ ಈ ಮಾಹಿತಿಗಳನ್ನು ಚೀನಾ ಮೂರು ವರ್ಷದ ಮೊದಲೇ ನೀಡಬೇಕಾಗಿತ್ತುʼ ಎಂದು ವಿಶ್ವ ಆರೋಗ್ಯ ಸಂಸ್ಥೆಯ ನಿರ್ದೇಶಕ ಡಾ. ಟೆಡ್ರಸ್‌ ಆಧನಮ್‌ ಗೇಬ್ರೆಯಾಸಸ್‌ ಶುಕ್ರವಾರ ಜಿನೇವಾದಲ್ಲಿ ಎಚ್ಚರಿಕೆ ನೀಡಿದ್ದಾರೆ.
ವೈರಸ್‌ ಬಗೆಗಿನ ಪ್ರತಿಯೊಂದು ಮಹಿತಿಗಳನ್ನೂ ಅತ್ಯಂತ ಪಾರದರ್ಶಕವಾಗಿ ನೀಡುವಂತೆ ಖಡಕ್‌ ಸೂಚನೆ ನೀಡಿದ್ದಾರೆ. ಕೋವಿಡ್-19 ಬಗೆಗಿನ ತನಿಖೆಯಿಂದ ಹೊರಬಿದ್ದಿರುವ ಸತ್ಯಗಳನ್ನೂ ತಿಳಿಸುವಂತೆ ಸೂಚನೆ ನೀಡಿದ್ಧಾರೆ.
ಇದನ್ನೂ ಓದಿ:
ವಿಷ್ಣು ರೂಪದ ಅದೃಷ್ಟದ ಕಲ್ಲೆಂದು 2 ಕೋಟಿ ರೂ. ವಂಚನೆಗೆ ಯತ್ನ
