ಅಂಗನವಾಡಿ ದುರಸ್ತಿಗೆ ಒತ್ತಾಯಿಸಿ ಪ್ರತಿಭಟನೆ

ನಾಲತವಾಡ: ಕುಸಿಯುವ ಸ್ಥಿತಿಯಲ್ಲಿರುವ ಹಡಗಲಿ ಅಂಗನವಾಡಿ ಕೇಂದ್ರವನ್ನು ಶೀಘ್ರ ದುರಸ್ತಿ ಮಾಡಬೇಕು ಎಂದು ಒತ್ತಾಯಿಸಿ ಗ್ರಾಮದ ಯುವಕರು ಕೇಂದ್ರದ ಎದುರು ಪ್ರತಿಭಟನೆ ನಡೆಸಿದರು.

ಅಂಗನವಾಡಿ ಕೇಂದ್ರದ ಸುತ್ತ ಕಂಟಿ ಬೆಳೆದಿದ್ದು ಗೋಡೆಗಳು ಬಿರುಕು ಬಿಟ್ಟಿವೆ. ದಿನ ಕಳೆದಂತೆಲ್ಲ ಕೇಂದ್ರದ ಕುಸಿಯುವ ಸಾಧ್ಯತೆ ಇದೆ. ಶೀಘ್ರವೇ ಸಂಬಂಧಿಸಿದರು ಅಂಗನವಾಡಿ ಕೇಂದ್ರವನ್ನು ದುರಸ್ತಿ ಮಾಡಬೇಕು. ನಿರ್ಲಕ್ಷé ತೋರಿದಲ್ಲಿ ಮಕ್ಕಳೊಂದಿಗೆ ಬೀದಿಯಲ್ಲಿ ಕುಳಿತು ಗ್ರಾಪಂ ಎದುರು ಪ್ರತಿಭಟನೆ ನಡೆಸುತ್ತೇವೆ ಎಂದು ಎಚ್ಚರಿಕೆ ನೀಡಿದರು.

ಈ ವೇಳೆ ಯುವಜನ ಸೇನೆಯ ಮುತ್ತು ಟಕ್ಕಳಕಿ, ಎಂ.ಎಚ್‌. ಸಾಂಶಿ, ಸಿದ್ದಮ್ಮ ಓಲೇಕಾರ, ಅಜಮೀರ ಮಸೂತಿ, ಬಸಪ್ಪ ಮರೋಳ, ಧರ್ಮಗೌಡ ಗೌಡರ,ಬಂದಗೀಸಾ ಬೇನಾಳ, ಮಲ್ಲು ಬಂಕದ, ಮುತ್ತು ಬೇನಾಳ, ಸಂಗಪ್ಪ ಬಾರಕೇರ, ರಾಗಪ್ಪ ಮಾಗಿ, ವಿಜಯ ಬಂಕದ, ಬಾಲಾರಿ ಕುರಿ ಹಾಗೂ ಮಡಿವಾಳಪ್ಪ ಮೇಟಿ ಇದ್ದರು.