ಆಕ್ರೋಶಿತ ಗ್ರಾಮಸ್ಥರೊಂದಿಗೆ ಅಧಿಕಾರಿಗಳ ಮಾತುಕತೆ ಫಲಪ್ರದ: ಗ್ರಾ.ಪಂ. ಕಚೇರಿ ಬೀಗ ತೆರವು

ಉದ್ಯಾವರ : ಜನವಸತಿ ಪ್ರದೇಶದಲ್ಲಿ ಬೃಹತ್‌ ಉದ್ದಿಮೆಗೆ ಪರವಾನಿಗೆ ನೀಡಿರುವ ಉದ್ಯಾವರ ಗ್ರಾ.ಪಂ. ಆಡಳಿತಾಧಿಕಾರಿ, ಪಿ.ಡಿ.ಒ. ವಿರುದ್ಧ ಆಕ್ರೋಶಗೊಂಡಿರುವ ಗ್ರಾಮಸ್ಥರು ಫೆ.19ರಂದು ಗ್ರಾ.ಪಂ.ಗೆ ಬೀಗ ಜಡಿದು ಪ್ರತಿಭಟನೆ ನಡೆಸಿದ ಬೆನ್ನಲ್ಲೇ ಗ್ರಾಮಸ್ಥರ ಮನವೊಲಿಸುವಲ್ಲಿ ಹಿರಿಯ ಅಧಿಕಾರಿಗಳು ಯಶಸ್ವಿಯಾಗಿದ್ದಾರೆ. ಶನಿವಾರ ಜಿ.ಪಂ. ಉಪಕಾರ್ಯದರ್ಶಿ ಕಿರಣ್‌ ಪೆಡ್ನೆಕರ್ ‌, ತಾ.ಪಂ. ಕಾರ್ಯ ನಿರ್ವಹಣಾಧಿಕಾರಿ ಮೋಹನ್‌ರಾಜ್‌, ಕಾಪು ಪಿ.ಎಸ್‌.ಐ. ರಾಘವೇಂದ್ರ ಸಿ. ಅವರು ಪ್ರತಿಭಟನಾಕಾರರ ಬೇಡಿಕೆಗಳಿಗೆ ಸ್ಪಂದಿಸುವ ಭರವಸೆ ನೀಡಿದ್ದು, ಬೀಗ ತೆರೆಯಲಾಗಿದೆ.