Advertisement

ಗ್ರಾಪಂ ಎದುರು ಪ್ರತಿಭಟನೆ

11:58 AM Jan 14, 2020 | Team Udayavani |

ಆಳಂದ: ಗ್ರಾಪಂ ಸದಸ್ಯರ ಗಮನಕ್ಕೆ ತರದೇ ಅನುದಾನ ಬಳಕೆ ಆಗುತ್ತಿದೆ ಎಂದು ಆಗ್ರಹಿಸಿ ಕೆಲ ಸದಸ್ಯರು ಮತ್ತು ಬೆಂಬಲಿತ ಗ್ರಾಮಸ್ಥರು ಪಡಸಾವಳಿ ಗ್ರಾಮ ಪಂಚಾಯಿತಿ ಕಚೇರಿ ಎದುರು ಪ್ರತಿಭಟನೆ ನಡೆಸಿದರು.

Advertisement

ಗ್ರಾಮ ಪಂಚಾಯಿತಿ ಸದಸ್ಯರ ಸಾಮಾನ್ಯ ಸಭೆ 14ನೇ ಹಣಕಾಸಿನ ಕ್ರಿಯಾ ಯೋಜನೆ ವಾರ್ಡ್‌ 2 ಮತ್ತು 3ರಲ್ಲಿ ಕುಡಿಯುವ ನೀರಿನ ಸಮಸ್ಯೆ ಇದ್ದರೂ ಅಧಿಕಾರಿಗಳು ಸ್ಪಂದಿಸುತ್ತಿಲ್ಲ ಎಂದು ದೂರಿದ ಪ್ರತಿಭಟನಾಕಾರರು ಬೆಳಗ್ಗೆ 10 ಗಂಟೆಯಿಂದ ಮಧ್ಯಾಹ್ನ 1 ಗಂಟೆ ವರೆಗೆ ಪ್ರತಿಭಟನೆ ನಡೆಸಿದರು.

ಸ್ಥಳಕ್ಕೆ ಆಗಮಿಸಿದ ತಾ.ಪಂ ಕಾರ್ಯನಿರ್ವಾಹಕ ಅಧಿಕಾರಿ ಡಾ| ಸಂಜಯ ರೆಡ್ಡಿ ಮನವಿ ಪತ್ರ ಸ್ವೀಕರಿಸಿ ಸಮಸ್ಯೆಗಳಿಗೆ ಸ್ಪಂದಿಸುವುದಾಗಿ ಭರವಸೆ ನೀಡಿದಾಗ ಪ್ರತಿಭಟನೆ ಹಿಂಪಡೆಯಲಾಯಿತು. ಉದ್ಯೋಗ ಖಾತ್ರಿ ಎಡಿ ಮೊಹ್ಮದ್‌ ಸಲೀಂ ಹಾಜರಿದ್ದರು.

ಗ್ರಾಪಂ ಸದಸ್ಯರಾದ ವಿಶ್ವನಾಥ ಜಮಾದಾರ, ಶಿವಕಿರಣ ಪಾಟೀಲ, ಗ್ರಾಮಸ್ಥರಾದ ರಮೇಶ ಹತ್ತಿಗಳ, ಕೈಲಾಸ ಬಿರಾದಾರ, ಉಮೇಶ ಪಾಟೀಲ, ಸಂಜಯಕುಮಾರ ಶೇರಿ, ಸೋಮನಾಥ ಶಿಪ್ಪಳೆ, ಅಪ್ಪಾರಾವ ಬೆಳಂ, ರವ ಜಮಾದಾರ, ಶ್ರೀಶೈಲ ಮಾಳಿ, ಶಿವಕುಮಾರ ನಾಗೂರೆ ಸೇರಿದಂತೆ ಗ್ರಾಮಸ್ಥರು ಪ್ರತಿಭಟನೆಯಲ್ಲಿ ಪಾಲ್ಗೊಂಡಿದ್ದರು. ಆಳಂದ ಪೊಲೀಸ್‌ ಠಾಣೆ ಅಧಿಕಾರಿಗಳು ಬೀಗಿ ಬಂದೋಬಸ್ತ್ ಕಲ್ಪಿಸಿದ್ದರು.

Advertisement

Udayavani is now on Telegram. Click here to join our channel and stay updated with the latest news.

Next