ಪ್ರಧಾನಿ ಹಂಚಿಕೊಂಡ ಸೂರ್ಯ ದೇಗುಲದ ವೀಡಿಯೋಗೆ ಭಾರೀ ಲೈಕ್‌

ಹೊಸದಿಲ್ಲಿ: ಪ್ರಧಾನಿ ನರೇಂದ್ರ ಮೋದಿ ಟ್ವಿಟರ್‌ನಲ್ಲಿ ಗುಜರಾತ್‌ನ ಮೊಧೇರಾದಲ್ಲಿರುವ ಸೂರ್ಯ ದೇಗುಲದ ವೀಡಿಯೋ ಹಂಚಿಕೊಂಡಿದ್ದಾರೆ.

ಮಳೆ ಸುರಿಯುತ್ತಿರುವ ಸಂದರ್ಭದಲ್ಲಿ ದೇಗುಲದ ವೀಡಿಯೋ ಚಿತ್ರೀಕರಿಸಲಾಗಿದ್ದು, 55 ಸೆಕೆಂಡ್‌ಗಳಷ್ಟು ಇದೆ.

‘ಮೊಧೇರಾದ ಐತಿಹಾಸಿಕ ಸೂರ್ಯ ದೇಗುಲದ ವಿಡಿಯೋ ಮಳೆಯಲ್ಲಿ ಚೆನ್ನಾಗಿ ಕಾಣುತ್ತಿದೆ. ಅದನ್ನು ನೋಡಿ’ ಎಂದು ಪ್ರಧಾನಿಯವರು ಟ್ವೀಟ್‌ ಮಾಡಿದ್ದಾರೆ.

ಈ ವೀಡಿಯೋವನ್ನು 45 ಸಾವಿರಕ್ಕಿಂತಲೂ ಅಧಿಕ ಬಾರೀ ಟ್ವೀಟ್‌ ಮಾಡಲಾಗಿದೆ.

ಎರಡೂವರೆ ಲಕ್ಷಕ್ಕಿಂತಲೂ ಹೆಚ್ಚು ಮಂದಿ ಅದನ್ನು ಲೈಕ್‌ ಮಾಡಿದ್ದಾರೆ. ಜತೆಗೆ ಹಲವರು ಮೆಚ್ಚುಗೆಯ ಕಮೆಂಟ್‌ ಹಾಕಿದ್ದಾರೆ.

ಈ ದೇಗುಲವನ್ನು ಚಾಲುಕ್ಯ ವಂಶಕ್ಕೆ ಸೇರಿದ ಮೊದಲನೇ ಭೀಮ ನಿರ್ಮಿಸಿದ ಎಂಬ ಐತಿಹ್ಯವಿದೆ.