Price control:ಕೇಂದ್ರದಿಂದ 71 ಸಾವಿರ ಟನ್‌ ಈರುಳ್ಳಿ ಖರೀದಿ

ಹೊಸದಿಲ್ಲಿ: ದೇಶದ ಮಾರುಕಟ್ಟೆಯಲ್ಲಿ ಈರುಳ್ಳಿ ಬೆಲೆಯಲ್ಲಿ ಸ್ಥಿರತೆ ಕಾಯ್ದುಕೊಳ್ಳಲು ಕೇಂದ್ರ ಸರಕಾರ 71 ಸಾವಿರ ಟನ್‌ ಈರುಳ್ಳಿಯನ್ನು ಖರೀದಿಸಿದೆ. ಜೂ. 20ರ ವರೆಗೆ 70, 987 ಟನ್‌ ಈರುಳ್ಳಿ ಸಂಗ್ರಹಿಸಿದ್ದು, ಕಳೆದ ವರ್ಷ ಇದೇ ಸಮಯದಲ್ಲಿ 74,071 ಟನ್‌ ಶೇಖರಿಸಲಾಗಿತ್ತು. ಪ್ರಸಕ್ತ ವರ್ಷ 5 ಲಕ್ಷ ಟನ್‌ ಈರುಳ್ಳಿ ಶೇಖರಿಸುವ ಗುರಿ ಹೊಂದಲಾಗಿದೆ. ಕೇಂದ್ರ ಸರಕಾರ ನಡೆಸಿದ ಅಂದಾಜಿನ ಪ್ರಕಾರ ದೇಶದಲ್ಲಿ ಈಗ ಸದ್ಯ ಪ್ರತೀ ಕೆ.ಜಿ. ಈರುಳ್ಳಿ ಬೆಲೆ 38.67ರೂ. ಬೆಲೆಯಿದೆ. 2023-24ರಲ್ಲಿ ಮಳೆಯ ಅಭಾವದಿಂದ ಈರುಳ್ಳಿ ಉತ್ಪಾದನೆಯಲ್ಲಿ ಶೇ. 20ರಷ್ಟು ಕಡಿಮೆ ಆಗಿದ್ದು, ಅದರ ಬೆಲೆ ಏರಿಕೆಯಾಗಿತ್ತು.