ಮೆಲ್ಬೋರ್ನ್: ವಿರಾಟ್ ಕೊಹ್ಲಿ ತಮ್ಮ 34 ನೇ ಹುಟ್ಟುಹಬ್ಬವನ್ನು ಶನಿವಾರ ಸಾಂಪ್ರದಾಯಿಕ ಮೆಲ್ಬೋರ್ನ್ ಕ್ರಿಕೆಟ್ ಗ್ರೌಂಡ್‌ನಲ್ಲಿ ಭಾರತೀಯ ಮಾಧ್ಯಮಗಳೊಂದಿಗೆ ಆಚರಿಸಿದರು.
ಭಾರತ ಟಿ 20 ವಿಶ್ವಕಪ್ ಗೆದ್ದ ನಂತರ ನವೆಂಬರ್ 13 ರಾತ್ರಿ ಇನ್ನೂ ದೊಡ್ಡ ಕೇಕ್ ಅನ್ನು ಕತ್ತರಿಸುವ ಮಹದಾಸೆಯನ್ನು ಹೊರಹಾಕಿದರು.
ಎಂಸಿಜಿ ಗ್ಯಾಲರಿಯ ಮೆಟ್ಟಿಲುಗಳ ಮೇಲೆ , ಕೊಹ್ಲಿ ನಗುತ್ತಾ, ತನಗೆ ಶುಭ ಕೋರಿದ ಎಲ್ಲರಿಗೂ ಹಸ್ತಲಾಘವ ಮಾಡಿದರು.
”ನೀವು ಎಂದಾದರೂ ನಿಮ್ಮ ಜನ್ಮದಿನವನ್ನು ಮಾಧ್ಯಮಗಳೊಂದಿಗೆ ಆಚರಿಸಿದ್ದೀರಾ?” ಎಂದು ಹಿರಿಯ ಪತ್ರಕರ್ತರೊಬ್ಬರು ಪ್ರಶ್ನಿಸಿದರು. ಇದಕ್ಕೆ ನಗುವಿನೊಂದಿಗೆ ಉತ್ತರಿಸಿದ ಕೊಹ್ಲಿ, ”ನೀವು ನನ್ನ ಜನ್ಮದಿನದಂದು ಹಿಂದೆಂದೂ ನನಗೆ ಕೇಕ್ ಅನ್ನು ಕಳುಹಿಸಿರಲಿಲ್ಲ” ಇಂದು ನಾನು ಯಾವುದೇ ಪ್ರಶ್ನೆಗಳಿಗೆ ಉತ್ತರಿಸುವುದಿಲ್ಲ ಎಂದರು.
ರವಿಚಂದ್ರನ್ ಅಶ್ವಿನ್ ಅವರು ಮಾಧ್ಯಮ ಸಂವಾದದಲ್ಲಿ ಮಾಜಿ ನಾಯಕ ಕೊಹ್ಲಿ ಡ್ರೆಸ್ಸಿಂಗ್ ರೂಮ್‌ನಲ್ಲಿ ಕೇಕ್ ಕತ್ತರಿಸಿ ಸಂಭ್ರಮಿಸಿದ್ದಾರೆ ಎಂದು ತಿಳಿಸಿದರು. “ಹೌದು, ನಾವು ಅಭ್ಯಾಸಕ್ಕೆ ಬರುವ ಮೊದಲು ನಮಗೆ ಕೇಕ್ ಸಿಕ್ಕಿತು. ರಿಷಭ್ ತಂದಿದ್ದರು” ಎಂದು ಕೇಳಿದಾಗ ತಮಾಷೆಯಾಗಿ ಹೇಳಿದರು.
ಭಾರತೀಯ ತಂಡದ ಮಾಧ್ಯಮ ವಿಭಾಗ ತಂಡದೊಂದಿಗೆ ಸಣ್ಣ ಸಂಭ್ರಮಾಚರಣೆಗೆ ಕರೆದಿದ್ದು, ಕೊಹ್ಲಿ ಅವರು ತಕ್ಷಣ ಒಪ್ಪಿಕೊಂಡರು. ಪತ್ರಕರ್ತರಲ್ಲಿ ಒಬ್ಬರು ಕೇಕ್ ತಂದಿದ್ದು, ಇನ್ನೊಬ್ಬ ಹಿರಿಯ ಪತ್ರಕರ್ತರು ಜೈಪುರದಿಂದ ಖರೀದಿಸಿದ ವಿಶೇಷ ರಾಜನ ವರ್ಣಚಿತ್ರವನ್ನು ಕಿಂಗ್ ಕೊಹ್ಲಿ ಅವರಿಗೆ ಗಿಫ್ಟ್ ಆಗಿ ನೀಡಿದರು.
