US: ಜಾಹ್ನವಿ ಕಂಡುಲಗೆ ಮರಣೋತ್ತರ ಪದವಿ

ನವದೆಹಲಿ: ಪ್ರಸಕ್ತ ವರ್ಷದ ಜ.23ರಂದು ಪೊಲೀಸ್‌ ಅಧಿಕಾರಿಯಿಂದ ಹತ್ಯೆಗೀಡಾದ ಆಂಧ್ರಪ್ರದೇಶದ ವಿದ್ಯಾರ್ಥಿನಿ ಜಾಹ್ನವಿ ಕಂಡುಲ ಅವರಿಗೆ ಮರಣೋತ್ತರವಾಗಿ ಸ್ನಾತಕೋತ್ತರ ಪದವಿ ಪ್ರದಾನ ಮಾಡಲಾಗುತ್ತದೆ. ಈ ಬಗ್ಗೆ ನಾರ್ತ್‌ ಈಸ್ಟರ್ನ್ ವಿವಿ ಘೋಷಣೆ ಮಾಡಿದೆ.

ಈ ಬಗ್ಗೆ ಮಾತನಾಡಿದ ವಿವಿ ಕುಲಪತಿ, 23 ವರ್ಷದ ವಿದ್ಯಾರ್ಥಿನಿ ಜಾಹ್ನವಿ ಅವರ ಸಾವಿನಿಂದ ಎಲ್ಲರೂ ಆಘಾತಗೊಂಡಿದ್ದೇವೆ. ಅವರ ಕೋರ್ಸ್‌ನ ಅವಧಿ ಮುಕ್ತಾಯಗೊಂಡ ಬಳಿಕ ವಿವಿ ವತಿಯಿಂದ ಮರಣೋತ್ತರವಾಗಿ ಜಾಹ್ನವಿ ಅವರ ಕುಟುಂಬಕ್ಕೆ ಸ್ನಾತಕೋತ್ತರ ಪದವಿಯನ್ನು ಹಸ್ತಾಂತರ ಮಾಡಲಾಗುತ್ತದೆ’ ಎಂದು ಹೇಳಿದ್ದಾರೆ.