ಲೈಂಗಿಕ ಅಕ್ರಮ ಮಾಹಿತಿ ನೀಡಲು ನೂತನ ಚರ್ಚ್‌ ಕಾನೂನು ಜಾರಿಗೆ ತಂದ ಪೋಪ್‌

ವೆಟಿಕನ್‌ ನಗರ : ಪೋಪ್‌ ಫ್ರಾನ್ಸಿಸ್‌ ಅವರು ಇಂದು ಗುರುವಾರ ವಿಶ್ವಾದ್ಯಂತದ ಕ್ಯಾಥೋಲಿಕ್‌ ಚರ್ಚ್‌ ಗಳಿಗೆ ಅನ್ವಯವಾಗುವಂತೆ ಅಕ್ರಮ ಲೈಂಗಿಕ ಪ್ರಕರಣಗಳ ಬಗ್ಗೆ ಮಾಹಿತಿ ನೀಡುವುದಕ್ಕೆ ಅವಕಾಶ ಕಲ್ಪಿಸಿ ಹೊಸ ಕಾನೂನನ್ನು ಜಾರಿ ಮಾಡಿದ್ದಾರೆ.

ಪೋಪ್‌ ಅವರ ವೈಯಕ್ತಿಕ ಅಧಿಕಾರದ ನೆಲೆಯಲ್ಲಿ ಹೊರಡಿಸಲಾಗಿರುವ ಈ ಕಾನೂನು ದಾಖಲೆ ಪತ್ರದಲ್ಲಿ ಲೈಂಗಿಕ ಅಕ್ರಮಗಳ ಮಾಹಿತಿ ಅಥವಾ ಶಂಕೆ ಇರುವವರಿಗೆ ಅದನ್ನು ಒಡನೆಯೇ ಚರ್ಚಿಗೆ ತಿಳಿಸುವುದಕ್ಕೆ ಅವಕಾಶ ಕಲ್ಪಿಸಲಾಗಿದೆ.