ಮತಗಟ್ಟೆ ಸಿಬ್ಬಂದಿಗೆ ಹಬ್ಬದೂಟ

ಜಗಳೂರು: ಚುನಾವಣಾ ಕಾರ್ಯಕ್ಕೆ ನಿಯೋಜನೆಗೊಂಡ ಸಿಬ್ಬಂದಿಗಳಿಗೆ ಹಬ್ಬದೂಟ ವ್ಯವಸ್ಥೆ ಮಾಡಲಾಗಿದ್ದು, ಸಿಬ್ಬಂದಿಗಳು ಹಬ್ಬದೂಟ ಸವಿದು ತಮ್ಮ ತಮ್ಮ ಮತಗಟ್ಟೆ ಕೇಂದ್ರಗಳಿಗೆ ತೆರಳಿದರು.

ಸೋಮವಾರ ಪಟ್ಟಣದ ಸರಕಾರಿ ಪ್ರೌಢ ಶಾಲಾ ಆವರಣದಲ್ಲಿ ಮಸ್ಟರ್‌ರಿಂಗ್‌ ಕಾರ್ಯದ ನಂತರ ಸಿಬ್ಬಂದಿಗಳಿಗೆ ಗೋಧಿ ಪಾಯಸ, ಅನ್ನ, ಸಾಂಬರ್‌ ಅಡುಗೆ ಮಾಡಲಾಗಿದೆ. ಶಾಲಾ ಆವರಣದಲ್ಲಿ ಬೃಹತ್‌ ಶಾಮಿಯಾನ ಹಾಕಿ ನೆರಳಿನ ವ್ಯವಸ್ಥೆ ಮಾಡಲಾಗಿತ್ತು.

ಬಂದಿರುವ ಸಿಬ್ಬಂದಿಗಳಿಗೆ ತಹಶೀಲ್ದಾರ್‌ ತಿಮ್ಮಣ್ಣ ಉಜ್ಜಿನಿ ಮತ್ತು ಇಒ ಜಾನಕಿ ರಾಮ್‌ ಊಟ ಬಡಿಸಿದರು. ಈ ಸಂದರ್ಭದಲ್ಲಿ ಮಾತನಾಡಿದ ಸಹಾಯಕ ಚುನಾವಣಾಧಿಕಾರಿ ಮಂಟೇಸ್ವಾಮಿ, ಜಗಳೂರು ವಿಧಾನಸಭಾ ಕೇತ್ರ ವ್ಯಾಪ್ತಿಯಲ್ಲಿ 262 ಮತಗಟ್ಟೆ ಕೇಂದ್ರಗಳಲ್ಲಿ 1,310 ಸಿಬ್ಬಂದಿ ಕಾರ್ಯ ನಿರ್ವಹಿಸಲಿದ್ದಾರೆ ಎಂದರು. ಪಪಂ ಮುಖ್ಯಾಧಿಕಾರಿ ಕಂಪಳಮ್ಮ, ಚುನಾವಣಾ ಶಿರಸ್ತೇದಾರ್‌ ಸುನೀಲ್ಕುಮಾರ್‌, ಅಶೋಕ್‌ ಕುಮಾರ್‌, ಲಂಕೇಶ್‌ ರೇವಣಸಿದ್ದಪ್ಪ ಇತರರು ಇದ್ದರು.