Politics: ಕೇಂದ್ರ ಮಹಿಳೆಯರನ್ನು “ತಮಾಷೆ”ಯಾಗಿ ನೋಡುತ್ತಿದೆ- ಪ್ರಿಯಾಂಕಾ ವಾದ್ರಾ

ಧಾರ್‌: ಬಿಜೆಪಿ ನೇತೃತ್ವದ ಕೇಂದ್ರ ಸರಕಾರ ಮಹಿಳೆಯರನ್ನು “ತಮಾಷೆ’ಯಾಗಿ ಪರಿಗಣಿಸಿದೆ. ಮುಂದಿನ 10 ವರ್ಷಗಳವರಗೆ ಅನುಷ್ಠಾನ ಸಾಧ್ಯವಿಲ್ಲದಿದ್ದರೆ, ಈ ಹಂತದಲ್ಲಿ ಮಹಿಳಾ ಮೀಸಲು ಕಾಯ್ದೆಯ ಔಚಿತ್ಯವಾದರೂ ಏನು ಎಂದು ಕಾಂಗ್ರೆಸ್‌ ನಾಯಕಿ ಪ್ರಿಯಾಂಕಾ ವಾದ್ರಾ ಪ್ರಶ್ನಿಸಿದರು.

ಮಧ್ಯಪ್ರದೇಶದ ಧಾರ್‌ ಜಿಲ್ಲೆಯ ಮೋಹನ್‌ಖೇಡಾದಲ್ಲಿ ಆಯೋಜಿಸಿದ್ದ ಪ್ರಚಾರ ರ್ಯಾಲಿ ಉದ್ದೇಶಿಸಿ ಮಾತನಾಡಿದ ಅವರು ಜಾತಿವಾರು ಗಣತಿಗೆ ಆಗ್ರಹಿಸಿದರು. ಕೇಂದ್ರ ಸರಕಾರವು ಜಾತಿ ಗಣತಿಯ ವಿರುದ್ಧವಿದೆ. ಬಿಹಾರದಲ್ಲಿ ಜಾತಿ ಗಣತಿ ನಡೆಸಲಾಗಿದೆ. ಇದರಿಂದ ರಾಜ್ಯದ ಜನಸಂಖ್ಯೆಯಲ್ಲಿ ಶೇ.84ರಷ್ಟು ಮಂದಿ ಒಬಿಸಿ ಮತ್ತು ದಲಿತರು ಇದ್ದಾರೆ ಬಹಿರಂಗವಾಯಿತು’ ಎಂದರು.