ಕಲಬುರಗಿ: ದರೋಡೆಕೋರರಿಬ್ಬರ ಕಾಲಿಗೆ ಪೊಲೀಸರ ಗುಂಡು 

ಕಲಬುರಗಿ: ನಗರದ ಹೊರವಲಯದ ಆಶ್ರಯ ಕಾಲೋನಿ ಬಳಿ ದರೋಡೆಕೋರರಿಬ್ಬರ ಕಾಲಿಗೆ ಪೊಲೀಸರು ಗುಂಡು ಹಾರಿಸಿದ ಘಟನೆ ಗುರುವಾರ ಬೆಳಗ್ಗೆ ನಡೆದಿದೆ. 

ಬಂಧನಕ್ಕೆ ಮುಂದಾದಾಗ ಪೇದೆಗಳಾದ ಬಂದೇನವಾಜ್‌ ಮತ್ತು ಭೀಮಾ ನಾಯಕ್‌  ಮೇಲೆ ದುಷ್ಕರ್ಮಿಗಳಾದ ಶೇಖರ್‌ ಮತ್ತು ಅಜೀಂ ದಾಳಿ ನಡೆಸಿದ್ದು ಈ ವೇಳೆ ಆತ್ಮ ರಕ್ಷಣೆಗಾಗಿ ಪಿಎಸ್‌ಐಗಳಾದ ಪರಶುರಾಮ ಮತ್ತು ವಹೀದ್‌ ಕೋತ್ವಾಲ್‌ ಅವರು ಗುಂಡು ಹಾರಿಸಿದ್ದಾರೆ.

ಗಾಯಾಳು ದರೋಡೆಕೋರರನ್ನು ಸ್ಥಳದಲ್ಲೇ ವಶಕ್ಕೆ ಪಡೆದು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗಿದೆ.