ಮಹಿಳಾ ಸಿಬಂದಿ ಸಾವು; ಬಿಹಾರದಲ್ಲಿ ಹಿಂಸಾಚಾರಕ್ಕಿಳಿದ ಪೊಲೀಸರು

ಪಾಟ್ನಾ: ಮಹಿಳಾ ಪೇದೆಯೊಬ್ಬರು ಸಾವನ್ನಪ್ಪಿರುವುದನ್ನು ಖಂಡಿಸಿ ಪೊಲೀಸ್‌ ಸಿಬಂದಿಗಳೇ ಉಗ್ರ ಪ್ರತಿಭಟನೆಗಿಳಿದಿದ್ದು, ಹಿಂಸಾಚಾರಕ್ಕೆ ಕಾರಣವಾಗಿದೆ. 

ಮಹಿಳಾ ಪೇದೆ ಸೂಕ್ತ ಚಿಕಿತ್ಸೆ ದೊರಕದೆ ಸಾವನ್ನಪ್ಪಿದ್ದರು. ಇದಕ್ಕೆ ಕಮಾಂಡೆಂಟ್‌ ರಜೆ ಕೊಡದಿದ್ದುದೇ ಕಾರಣ ಎಂದು ಸಹ ಸಿಬಂದಿಗಳು ರೊಚ್ಚಿಗೆದ್ದಿದ್ದಾರೆ.

ಉದ್ರಿಕ್ತ ಪೊಲೀಸ್‌ ಸಿಬಂದಿಗಳು ಕಮಾಂಡೆಂಟ್‌ಗೆ ಹಿಗ್ಗಾಮುಗ್ಗ ಥಳಸಿದ್ದು, ಗಂಭೀರವಾಗಿ ಗಾಯಗೊಂಡಿರುವ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಠಾಣೆಯ ಬಳಿ ಪೀಠೊಪಕರಣಗಳು, ವಾಹನಗಳು ಧ್ವಂಸಗೊಂಡಿವೆ. 

ಹಿರಿಯ ಅಧಿಕಾರಿಗಳು ಈ ಬಗ್ಗೆ ತನಿಖೆ ನಡೆಸುವುದಾಗಿ ತಿಳಿಸಿದ್ದಾರೆ.