ವಿಜಯಪುರ: ನಕಲಿ ಪತ್ರಕರ್ತನ ಬೈಕ್ ವಶಕ್ಕೆ ಪಡೆದ ಪೊಲೀಸರು

ವಿಜಯಪುರ: ಕೋವಿಡ್ ಕರ್ಫ್ಯೂ ಸಂದರ್ಭದಲ್ಲಿ ಪತ್ರಕರ್ತ ಅಂತ ಹೇಳಿಕೊಂಡು ಬೈಕ್ ಮೇಲೆ ಓಡಾಡುತ್ತಿದ್ದ ನಕಲಿ ಪತ್ರಕರ್ತನನ್ನು ತಡೆದ ಪೊಲೀಸರು, ಆತನ ಬೈಕ್ ವಶಕ್ಕೆ ಪಡೆದಿರುವ ಘಟನೆ ವಿಜಯಪುರ ನಗರದಲ್ಲಿ ನಡೆದಿದೆ.

ಪೊಲೀಸರು ಬೈಕ್ ಜಪ್ತಿ ಮಾಡಿರುವ ನಕಲಿ ಪತ್ರಕರ್ತನನ್ನು ಅಬ್ದುಲ್ ಗಫಾರ್ ಎಂದು ಗುರುತಿಸಲಾಗಿದೆ.

ಇದನ್ನೂ ಓದಿ:ಎರಡು ದಿನದಲ್ಲಿ 80 ಕೋವಿಡ್ ಪ್ರಕರಣ: ಧಾರವಾಡದ ಸಿದ್ದೇಶ್ವರ ನಗರ ಸೀಲ್ ಡೌನ್

ಸದರಿ ನಕಲಿ‌ ಪತ್ರಕರ್ತ ವಿಜಯಪುರದ ಗೋಳಗುಮ್ಮಟ ರಸ್ತೆಯಲ್ಲಿ ಬೈಕ್ ನಲ್ಲಿ ಅನಗತ್ಯ ತಿರುಗುತ್ತಿದ್ದ. ಈ ಹಂತದಲ್ಲಿ ಈತನನ್ನು ತಡೆದು ಪರಿಶೀಲನೆ ನಡೆಸಿದ ಪೊಲೀಸರಿಗೆ ತಾನು ಪತ್ರಕರ್ತ ಎಂದು ಕರ್ನಾಟಕ ಪತ್ರಕರ್ತರ ಸಂಘದ ಹೆಸರಿನಲ್ಲಿ ಇದ್ದ ಕಾರ್ಡ್ ತೋರಿಸಿದ್ದಾನೆ.

ಸದರಿ ವ್ಯಕ್ತಿ ತಮ್ಮನ್ನು ಯಾಮಾರಿಸಿರುವುದು ಖಚಿತವಾಗುತ್ತಲೇ ಪೊಲೀಸರು ಬೈಕ್ ವಶಕ್ಕೆ ಪಡೆದು, ನಕಲಿ ಪತ್ರಕರ್ತರನಿಗೆ ಎಚ್ಚರಿಕೆ ನೀಡಿ ಕಳಿಸಿದ್ದಾರೆ.