Advertisement

ಸೆ. 24ರಂದು ಮೋದಿ ಅಮೆರಿಕಕ್ಕೆ ಪಯಣ

10:57 PM Sep 14, 2021 | Team Udayavani |

ಹೊಸದಿಲ್ಲಿ: ಪ್ರಧಾನಿ ನರೇಂದ್ರ ಮೋದಿ ಅವರು ಮುಂದಿನ ವಾರವೇ ಅಮೆರಿಕ ಪ್ರವಾಸ ಕೈಗೊಳ್ಳಲಿದ್ದು, ಕ್ವಾಡ್‌ ಶೃಂಗದಲ್ಲಿ ಪಾಲ್ಗೊಳ್ಳಲಿದ್ದಾರೆ. ಕೊರೊನಾ, ಲಾಕ್‌ಡೌನ್‌ ಬಳಿಕ ಅಂತಾರಾಷ್ಟ್ರೀಯ ನಾಯ­­ಕರು ವರ್ಚುವಲ್‌ ಮುಖಾಮುಖೀ­ಯಿಂದ ದೂರ ಸರಿದು, ಖುದ್ದಾಗಿ ಪಾಲ್ಗೊ­ಳ್ಳುತ್ತಿರುವ ಮೊದಲ ಕ್ವಾಡ್‌ ಶೃಂಗಸಭೆ ಇದಾಗಿದೆ.

Advertisement

ಸೆ.24ರಂದು ನಡೆಯಲಿರುವ ಶೃಂಗದಲ್ಲಿ ಅಫ್ಘಾನ್‌ ಬಿಕ್ಕಟ್ಟು, ಸಮ­ಕಾಲೀನ ಜಾಗತಿಕ ಸವಾಲುಗಳು, ಕೊರೊನಾ ಸೋಂಕು ಸೇರಿದಂತೆ ವಿವಿಧ ವಿಚಾರಗಳ ಕುರಿತು ಚರ್ಚೆಯಾಗಲಿದೆ. ಅಮೆರಿಕ ಅಧ್ಯಕ್ಷರಾಗಿ ಜೋ ಬೈಡೆನ್‌ ಅವರು ಅಧಿಕಾರ ಸ್ವೀಕರಿಸಿದ ಬಳಿಕ ಪ್ರಧಾನಿ ಮೋದಿ ಅವರ ಮೊದಲ ಅಮೆರಿಕ ಭೇಟಿ ಇದಾಗಿರಲಿದೆ. ಕ್ವಾಡ್‌ ರಾಷ್ಟ್ರಗಳ ಒಕ್ಕೂಟದಲ್ಲಿ ಅಮೆರಿಕ, ಭಾರತ, ಜಪಾನ್‌, ಆಸ್ಟ್ರೇಲಿಯಾ ಇವೆ.

25ಕ್ಕೆ ಮೋದಿ ಭಾಷಣ: 24ರಂದು ನಾಲ್ಕು ರಾಷ್ಟ್ರಗಳ ಕ್ವಾಡ್‌ ಸಮ್ಮೇ­ಳನದಲ್ಲಿ ಭಾಗಿಯಾದ ಬಳಿಕ, ಮಾರನೇ ದಿನ ಅಂದರೆ ಸೆ.25­ರಂದು ನ್ಯೂಯಾರ್ಕ್‌­ನಲ್ಲಿ ಪ್ರಧಾನಿ ಮೋದಿ ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯಲ್ಲಿ ಮಾತ­ನಾಡ­ಲಿದ್ದಾರೆ.  ಪ್ರಸಕ್ತ ವರ್ಷದ ಜನರಲ್‌ ಡಿಬೇಟ್‌ಗೆ “ಕೋವಿಡ್‌-19ರಿಂದ ಚೇತರಿಸಿ­ಕೊಂಡು ಪುಟಿದೇಳುವುದು, ಸುಸ್ಥಿರ­ತೆಯ ಮರುನಿರ್ಮಾಣ, ಗ್ರಹದ ಅಗತ್ಯತೆಗೆ ಸ್ಪಂದನೆ, ಜನರ ಹಕ್ಕುಗಳಿಗೆ ಗೌರವ, ವಿಶ್ವಸಂಸ್ಥೆಯ ಪುನಶ್ಚೇತನ’ ಎಂಬ ಥೀಮ್‌ ಅನ್ನು ಹೊಂದಲಾಗಿದ್ದು, ಮೋದಿ ಅವರೂ ಈ ಕುರಿತು ಮಾತನಾಡಲಿದ್ದಾರೆ. ಸೋಂಕು ಇದ್ದರೂ ಜಗತ್ತಿನ 100 ರಾಷ್ಟ್ರಗಳ ಸರಕಾರಿ ಮುಖ್ಯ­ಸ್ಥರು ಪ್ರಸಕ್ತ ಸಾಲಿನಲ್ಲಿ  ವಾಷಿಂ­ಗ್ಟನ್‌ಗೆ ಆಗಮಿಸಿ, ಮಾತನಾಡಲಿದ್ದಾರೆ.

ಮೋದಿ ಬೈಡೆನ್‌ ಭೇಟಿ :

ವಾಷಿಂಗ್ಟನ್‌ನಲ್ಲಿ ಮೋದಿ ಅವರು ಬೈಡೆನ್‌ ಹಾಗೂ ಆಸ್ಟ್ರೇಲಿಯಾ ಪ್ರಧಾನಿ ಸ್ಕಾಟ್‌ ಮಾರಿಸನ್‌ ಜತೆ ಪ್ರತ್ಯೇಕ  ಮಾತುಕತೆ ನಡೆಸಲಿದ್ದಾರೆ. ಸೆ.23ರಂದು ಶ್ವೇತಭವನದಲ್ಲಿ ಮೋದಿ-ಬೈಡೆನ್‌ ಮಾತುಕತೆ ನಡೆಯಲಿದೆ.

Advertisement

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next