‘ಹೌಡಿ ಮೋದಿ’ : ‘ನಮೋ’ನವಭಾರತದ ನಿರ್ಮಾಣ ಕನಸಿಗೆ ತಲೆದೂಗಿದ ‘ಹ್ಯೂಸ್ಟನ್’

ಅಮೆರಿಕಾದ ಹ್ಯೂಸ್ಟನ್ ನ ಎನ್.ಆರ್.ಜಿ. ಸ್ಟೇಡಿಯಂನಲ್ಲಿ ನಡೆದ ‘ಹೌಡಿ ಮೋದಿ’ ಕಾರ್ಯಕ್ರಮದಲ್ಲಿ ವಿಶ್ವದ ಎರಡು ದೈತ್ಯ ಪ್ರಜಾಪ್ರಭುತ್ವ ರಾಷ್ಟ್ರಗಳ ನಡುವಿನ ಸಂಬಂಧದ ಶಕ್ತಿಯ ನೈಜ ಅನಾವರಣವಾಯಿತು. ಭಾರತದ ಕೃತು ಶಕ್ತಿಯನ್ನು ಮತ್ತು ನರೇಂದ್ರ ಮೋದಿ ಅವರ ನಾಯಕತ್ವವನ್ನು ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮುಕ್ತಕಂಠದಿಂದ ಶ್ಲಾಘಿಸಿದರೆ, ನವಭಾರತದ ನಿರ್ಮಾಣದಲ್ಲಿ ತನ್ನ ಬಹುಕಾಲದ ಮಿತ್ರ ಅಮೆರಿಕಾ ನೀಡುತ್ತಿರುವ ಸಹಕಾರವನ್ನು ಪ್ರಧಾನಿ ಮೋದಿ ಅವರು ಅಭಿನಂದಿಸಿದರು. ಈ ವೇದಿಕೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ತಮ್ಮ ನವ ಭಾರತ ನಿರ್ಮಾಣದ ಕನಸನ್ನು ಎಳೆ ಎಳೆಯಾಗಿ ಅನಿವಾಸಿ ಭಾರತೀಯ ಸಮುದಾಯದ ಮುಂದೆ ತೆರೆದಿಟ್ಟರು.