ಹೊಸದಿಲ್ಲಿ: ಸಂಸತ್ತಿನಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರ ಹಿಂದೆ ಮಹಿಳಾ ಕಮಾಂಡೋ ಇರುವ ಫೋಟೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು, ನಟಿ-ರಾಜಕಾರಣಿ ಕಂಗನಾ ರಣಾವುತ್ ಸೇರಿದಂತೆ ಹಲವರು ಈ ಚಿತ್ರವನ್ನು ಹಂಚಿಕೊಂಡಿದ್ದಾರೆ.
ಮಹಿಳಾ ಕಮಾಂಡೋಗಳು ವರ್ಷಗಳಿಂದ ಎಸ್‌ಪಿಜಿಯ ಭದ್ರತಾ ಚೌಕಟ್ಟಿನ ಭಾಗವಾಗಿದ್ದಾರೆ. ವೈರಲ್ ಆಗಿರುವ ಫೋಟೋ ಸಂಸತ್ತಿನದ್ದು. ಅಲ್ಲಿ ಮಹಿಳಾ ಎಸ್‌ಪಿಜಿ ಕಮಾಂಡೋಗಳು ಕರ್ತವ್ಯದಲ್ಲಿದ್ದಾರೆ.
ಈ ಕಮಾಂಡೋಗಳನ್ನು ಸಾಮಾನ್ಯವಾಗಿ ಮಹಿಳಾ ಸಂದರ್ಶಕರನ್ನು ಪರೀಕ್ಷಿಸಲು ಗೇಟ್‌ಗಳಲ್ಲಿ ನಿಯೋಜಿಸಲಾಗುತ್ತದೆ. ಅಲ್ಲದೆ ಆವರಣಕ್ಕೆ ಪ್ರವೇಶಿಸುವ ಅಥವಾ ಹೊರಹೋಗುವ ಜನರನ್ನು ಮೇಲ್ವಿಚಾರಣೆ ಮಾಡುವಲ್ಲಿಯೂ ತೊಡಗಿಸಿಕೊಂಡಿದ್ದಾರೆ.
2015 ರಿಂದ, ಎಸ್‌ಪಿಜಿಯ ಕ್ಲೋಸ್ ಪ್ರೊಟೆಕ್ಷನ್ ಟೀಮ್‌ನಲ್ಲಿ (CPT) ಮಹಿಳೆಯರನ್ನೂ ಸೇರಿಸಲಾಗಿದೆ.
ಪ್ರಸ್ತುತ, ಎಸ್‌ಪಿಜಿ ಸುಮಾರು 100 ಮಹಿಳಾ ಕಮಾಂಡೋಗಳನ್ನು ಹೊಂದಿದೆ ಎಂದು ವರದಿಯಾಗಿದೆ. ಅವರು ನಿಕಟ ರಕ್ಷಣೆ ಪಾತ್ರಗಳು ಮತ್ತು ಸುಧಾರಿತ ಭದ್ರತಾ ಸಂಪರ್ಕ ಸಾಮರ್ಥ್ಯಗಳಲ್ಲಿ ಸೇವೆ ಸಲ್ಲಿಸುತ್ತಾರೆ.
ಅಸಲೀಯತ್ತೇನು?
ಮಹಿಳಾ ಕಮಾಂಡೋ ಎಸ್‌ಪಿಜಿ (ವಿಶೇಷ ಸಂರಕ್ಷಣಾ ಗುಂಪು) ಯ ಭಾಗವಾಗಿದ್ದಾರೆ ಎಂದು ಹಲವರು ಅಂದಾಜಿಸಿದ್ದಾರೆ. ಆದರೆ ವೈರಲ್ ಫೋಟೊದಲ್ಲಿನ ಮಹಿಳೆ ಎಸ್‌ಪಿಜಿ ಅಧಿಕಾರಿ ಅಲ್ಲ ಎಂದು ಭದ್ರತಾ ಮೂಲಗಳನ್ನು ಉದ್ದೇಶಿಸಿ ಎನ್‌ ಡಿಟಿವಿ ವರದಿ ಮಾಡಿದೆ. ಅವರು ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರಿಗೆ ಪಿಎಸ್‌ಓ ಆಗಿದ್ದಾರೆ. ಅವರು ಕೇಂದ್ರೀಯ ಮೀಸಲು ಪೊಲೀಸ್ ಪಡೆ (CRPF) ನ ಸಹಾಯಕ ಕಮಾಂಡೆಂಟ್ ಆಗಿದ್ದಾರೆ.
1985ರಲ್ಲಿ ವಿಶೇಷ ರಕ್ಷಣಾ ಗುಂಪನ್ನು (SPG) ಸ್ಥಾಪಿಸಲಾಯಿತು. ಇದು ಪ್ರಧಾನಿ, ಮಾಜಿ ಪ್ರಧಾನ ಮಂತ್ರಿಗಳು ಮತ್ತು ಅವರ ನಿಕಟ ಕುಟುಂಬಗಳಿಗೆ ಭದ್ರತೆಯನ್ನು ಒದಗಿಸುತ್ತದೆ. ಎಸ್‌ಪಿಜಿ ಅಧಿಕಾರಿಗಳಿಗೆ ನಾಯಕತ್ವ, ವೃತ್ತಿಪರತೆ ಮತ್ತು ನಿಕಟ ರಕ್ಷಣೆ ಕೌಶಲ್ಯಗಳಲ್ಲಿ ತರಬೇತಿ ನೀಡಲಾಗುತ್ತದೆ. ಒಟ್ಟಾರೆ ಭದ್ರತಾ ಕ್ರಮಗಳನ್ನು ಬಲಪಡಿಸಲು ಸಂಸ್ಥೆಯು ಇಂಟೆಲಿಜೆನ್ಸ್ ಬ್ಯೂರೋ ಮತ್ತು ರಾಜ್ಯ ಮತ್ತು ಕೇಂದ್ರಾಡಳಿತ ಪ್ರದೇಶದ ಪೊಲೀಸ್ ಪಡೆಗಳೊಂದಿಗೆ ಸಹಕರಿಸುತ್ತದೆ
