ಗ್ರಾಹಕರಿಗಾಗಿ ಇಂದಿನಿಂದ ಪೇಟಿಎಂ ಪೇಮೆಂಟ್ಸ್‌ ಬ್ಯಾಂಕ್‌ ಶುರು

ಹೊಸದಿಲ್ಲಿ : ಹಲವು ತಿಂಗಳ ವಿಳಂಬದ ಬಳಿಕ ಪೇಟಿಎಂ ಇಂದು ತನ್ನ ಪೇಮೆಂಟ್ಸ್‌ ಬ್ಯಾಂಕ್‌ ಕಾರ್ಯಾಚರಣೆಗಳನ್ನು ಆರಂಭಿಸಿದೆ. 

ಪೇಟಿಎಂ ಹೊಸ ಬಗೆಯ ಪೇಮೆಂಟ್ಸ್‌ ಬ್ಯಾಂಕ್‌ ಆಗಿದ್ದು ಇದಕ್ಕೆ ಆರ್‌ಬಿಐ ಲೈಸನ್ಸ್‌ ಇದೆ. ಎಸ್‌ಬಿ ಅಥವಾ ಕರೆಂಟ್‌ ಅಕೌಂಟ್‌ ಖಾತೆಗಳ ಒಂದು ವ್ಯಾಲೆಟ್‌ನಲ್ಲಿ ತಲಾ ಗ್ರಾಹಕರಿಂದ 1 ಲಕ್ಷ ರೂ. ಠೇವಣಿಯನ್ನು ಈ ಪೇಮೆಂಟ್ಸ್‌ ಬ್ಯಾಂಕ್‌ ಸ್ವೀಕರಿಸಬಹುದಾಗಿದೆ. ಜತೆಗೆ ಡೆಬಿಟ್‌ ಕಾರ್ಡ್‌, ಕ್ರೆಡಿಟ್‌ ಕಾರ್ಡ್‌, ಆನ್‌ಲೈನ್‌ ಮತ್ತು ಮೊಬೈಲ್‌ ಬ್ಯಾಂಕಿಂಗ್‌ ಸೇವೆಯನ್ನು ಕೂಡ ಇದು ತನ್ನ ಗ್ರಾಹಕರಿಗೆ ಒದಗಿಸುತ್ತದೆ. 

ಆದರೆ ಪೇಮೆಂಟ್ಸ್‌ ಬ್ಯಾಂಕ್‌ಗಳ ತಮ್ಮ ಗ್ರಾಹಕರಿಗೆ ಸಾಲವನ್ನು ನೀಡುವಂತಿಲ್ಲ. ಆದರೆ ಇವು ಇತರ ಹಣಕಾಸು ಸಂಸ್ಥೆಗಳ ಮತ್ತು ಬ್ಯಾಂಕುಗಳ ಭಾಗೀದಾರಿಕೆಯೊಂದಿಗೆ ಸಾಲಗಳು, ಇನ್ಸುರೆನ್ಸ್‌, ಮ್ಯೂಚುವಲ್‌ ಫ‌ಂಡ್‌ಗಳು, ಪೆನ್‌ಶನ್‌ ಫ‌ಂಡ್‌ಗಳು ಮುಂತಾಗಿ ವಿವಿಧ ಬಗೆಯ ಹಣಕಾಸು ಉತ್ಪನ್ನಗಳನ್ನು ನೀಡಬಹುದಾಗಿದೆ.