ಜ.26ರಂದು ಪವಾರ್‌ ನೇತೃತ್ವದಲ್ಲಿ ಸಂವಿಧಾನ್‌ ಬಚಾವೋ ಜಾಥಾ

ಹೊಸದಿಲ್ಲಿ : ಸುಪ್ರೀಂ ಕೋರ್ಟಿನಲ್ಲಿ ಈಚೆಗೆ ಉಂಟಾಗಿರುವ ಬಿಕ್ಕಟ್ಟಿನ ಹಿನ್ನೆಲೆಯಲ್ಲಿ ಇದೇ ಜನವರಿ 26ರಂದು ಎನ್‌ಸಿಪಿ ಅಧ್ಯಕ್ಷ ಶರದ್‌ ಪವಾರ್‌ ಮತ್ತು ಯೆಚೂರಿ ನೇತೃತ್ವದಲ್ಲಿ ಇದೇ ಜನವರಿ 26ರಂದು ಮುಂಬಯಿಯಲ್ಲಿ ಜಾಥಾ ನಡೆಯಲಿದೆ.

ಎನ್‌ಸಿಪಿ ವಕ್ತಾರ ನವಾಬ್‌ ಮಲಿಕ್‌ ಅವರನ್ನು ಈ ಬಗ್ಗೆ ಸಂಪರ್ಕಿಸಿದಾಗ “ಪವಾರ್‌ ಈ ಜಾಥಾದಲ್ಲಿ ಪಾಲ್ಗೊಳ್ಳುತ್ತಾರೆ’ ಎಂದು ಹೇಳಿದರು. ಆದರೆ ಇದರರ್ಥ ಎನ್‌ಸಿಪಿ ಈ ಜಾಥಾದ ಭಾಗವಾಗಿದೆ ಎಂದಲ್ಲ ಎಂದವರು ಸ್ಪಷ್ಟಪಡಿಸಿದರು. 

ಸಂವಿಧಾನ್‌ ಬಚಾವೋ ಹೆಸರಿನ ಈ ಜಾಥಾದಲ್ಲಿ ಪಾಲ್ಗೊಳ್ಳುವ ಇತರ ಪ್ರಮುಖರೆಂದರೆ ಕಾಂಗ್ರೆಸ್‌ ಶಾಸಕ ಅಲ್ಪೇಶ್‌ ಠಾಕೂರ್‌, ದಲಿತ ಕಾರ್ಯಕರ್ತ ಜಿಗ್ನೇಶ್‌ ಮೇವಾನಿ, ಪಾಟಿದಾರ್‌ ಚಳವಳಿಯ ನಾಯಕ ಹಾರ್ದಿಕ್‌ ಪಟೇಲ್‌, ರೈತ ನಾಯಕ ರಾಜು ಶೆಟ್ಟಿ.