35 ರೂ.ಗೆ ಪತಂಜಲಿ ಪೆಟ್ರೋಲ್‌?

ಹೊಸದಿಲ್ಲಿ: “ನನಗೆ ಒಂದು ಅವಕಾಶ ಕೊಟ್ಟು ನೋಡಿ. ನಾನು ಪೆಟ್ರೋಲ್‌, ಡೀಸೆಲ್‌ ಅನ್ನು ಈಗಿರುವುದಕ್ಕಿಂತ ಅರ್ಧದ ದರದಲ್ಲಿ ಮಾರಾಟ ಮಾಡುತ್ತೇನೆ.’

 ಹೀಗೆಂದು ಹೇಳಿದ್ದು ಬೇರಾರೂ ಅಲ್ಲ. ಪತಂಜಲಿ ಸಂಸ್ಥೆಯ ಸ್ಥಾಪಕ, ಯೋಗಗುರು ಬಾಬಾ ರಾಮ್‌ದೇವ್‌. ರವಿವಾರ ನಡೆದ “ಎನ್‌ಡಿಟಿವಿ ಯುವ’ ಸಮ್ಮೇಳನದಲ್ಲಿ ಮಾತನಾಡಿದ ಅವರು, “ನನಗೇನಾದರೂ ಸರಕಾರ ತೆರಿಗೆಯಲ್ಲಿ ಸ್ವಲ್ಪ ವಿನಾಯಿತಿ ನೀಡಿದ್ದೇ ಆದಲ್ಲಿ, ನಾನು ಲೀಟರ್‌ಗೆ 35-40 ರೂ.ಗಳಿಗೆ ಪೆಟ್ರೋಲ್‌, ಡೀಸೆಲ್‌ ಮಾರಾಟ ಮಾಡುತ್ತೇನೆ’ ಎಂದು ಹೇಳಿದ್ದಾರೆ.

ಇದೇ ವೇಳೆ, ತೈಲ ದರವನ್ನು ಜಿಎಸ್‌ಟಿ ವ್ಯಾಪ್ತಿಗೆ ತರುವ ಆಗ್ರಹವನ್ನೂ ಅವರು ಮಾಡಿದ್ದಾರೆ. ಸರಕಾರವು ಪೆಟ್ರೋಲ್‌, ಡೀಸೆಲ್‌ ಅನ್ನು ಜಿಎಸ್‌ಟಿ ವ್ಯಾಪ್ತಿಗೆ ತರಬೇಕು. ಆದರೆ, ಶೇ.28ರ ಟ್ಯಾಕ್ಸ್‌ ಸ್ಲಾಬ್‌ನಲ್ಲಿ ಅದನ್ನು ಇಡಬಾರದು ಎಂದಿದ್ದಾರೆ. ನೀವು 2019ರ ಚುನಾವಣೆಗೆ ಬಿಜೆಪಿ ಪರ ಪ್ರಚಾರ ನಡೆಸುತ್ತೀರಾ ಎಂಬ ಪ್ರಶ್ನೆಗೆ, “ಖಂಡಿತಾ ಇಲ್ಲ. ನಾನು ರಾಜಕೀಯದಿಂದ ದೂರವಿದ್ದೇನೆ. ಎಲ್ಲ ಪಕ್ಷಗಳ ಜತೆಗೂ ಇದ್ದೇನೆ, ಯಾವ ಪಕ್ಷದ ಜತೆಗೂ ಇಲ್ಲ ಎಂಬಂತಿದ್ದೇನೆ’ ಎಂದಿದ್ದಾರೆ.