Paris Olympics: ಪ್ಯಾರಿಸ್‌ನಲ್ಲಿರುವ ಇಸ್ರೇಲ್‌ ಒಲಿಂಪಿಕ್‌ ತಂಡಕ್ಕೆ ಬೆದರಿಕೆ ಕರೆ?

ಪ್ಯಾರಿಸ್‌: ಗಾಝಾ ಯುದ್ಧದ ವೇಳೆ ಪ್ಯಾಲಿಸ್ತೇನಿಯರ ಸಾವಿನ ಘಟನೆಗೆ ಸಂಬಂಧಿಸಿ, ಪ್ಯಾರಿಸ್‌ ಒಲಿಂಪಿಕ್ಸ್‌ನಲ್ಲಿ ಪಾಲ್ಗೊಳ್ಳುತ್ತಿರುವ ಇಸ್ರೇಲ್‌ ಒಲಿಂಪಿಕ್‌ ತಂಡಕ್ಕೆ ಬೆದರಿಕೆ ಕರೆ ಬಂದಿವೆ. ತಂಡದ ಕೆಲವು ಕ್ರೀಡಾಪಟುಗಳು ಬೆದರಿಕೆ ಕರೆ ಸ್ವೀಕರಿಸಿರುವುದಾಗಿ ಇಸ್ರೇಲ್‌ ಒಲಿಂಪಿಕ್ಸ್‌ ತಂಡದ ಮೂಲಗಳು ತಿಳಿಸಿವೆ.

ಈ ಬಗ್ಗೆ ಇಸ್ರೇಲ್‌ ರಾಷ್ಟ್ರೀಯ ಒಲಿಂಪಿಕ್ಸ್‌ ಸಮಿತಿಯ ಅಧ್ಯಕ್ಷ ಯೇಲ್‌ ಅರಾದ್‌ ಮಾತನಾಡಿ, ಮಾನಸಿಕ ಭಯ ಹುಟ್ಟಿಸುವ ನಿಟ್ಟಿನಲ್ಲಿ ನಮ್ಮ ಕ್ರೀಡಾಪಟುಗಳಿಗೆ ಬೆದರಿಕೆ ಕರೆಗಳು ಬರುತ್ತಿವೆ ಎಂದಿದ್ದಾರೆ.

ಆದರೆ ಇದರ ಕುರಿತು ಅವರು ಹೆಚ್ಚಿನ ಮಾಹಿತಿ ನೀಡಿಲ್ಲ. ಬೆದರಿಕೆ ಕರೆ ಬಂದಿರುವ ಅಥ್ಲೀಟ್‌ಗಳಲ್ಲಿ ವಿಂಡ್‌ ಸರ್ಫಿಂಗ್‌ ನಲ್ಲಿ ಬಂಗಾರ ಗೆದ್ದಿರುವ 24 ವರ್ಷದ ಇಸ್ರೇಲಿಯನ್‌ ಅಥ್ಲೀಟ್‌ ಟಾಮ್‌ ರೆವೆನಿ ಕೂಡ ಸೇರಿದ್ದಾರೆ.