ಪಾರಂಪಳ್ಳಿ: ಬೈಕ್‌ನಿಂದ ಬಿದ್ದು  ಮಹಿಳೆ ಸಾವು

ಕೋಟ: ಬೈಕ್‌ನಿಂದ ಕೆಳಗೆ ಬಿದ್ದು ಮಹಿಳೆ ಮೃತಪಟ್ಟ ಘಟನೆ ಶುಕ್ರವಾರ ಸಾಲಿಗ್ರಾಮ ಸಮೀಪ ಪಾರಂಪಳ್ಳಿ-ಪಡುಕರೆಯಲ್ಲಿ ಸಂಭವಿಸಿದೆ.  ಇಲ್ಲಿನ ನಿವಾಸಿ ಸುಗುಣ ಪೂಜಾರಿ (40) ಮೃತಪಟ್ಟವರು.

ಮಗಳನ್ನು ಕರೆತರಲು ತೆರಳುವಾಗ ಘಟನೆ: ಇವರ ಮಗಳು ಹತ್ತಿರದ ಶಾಲೆಯೊಂದರ ವಿದ್ಯಾರ್ಥಿನಿಯಾಗಿದ್ದು ಶುಕ್ರವಾರ ಶಾಲೆಗೆ ತೆರಳಿದ ಸಂದರ್ಭ ವಿಪರೀತ ಜ್ವರ ಕಾಣಿಸಿಕೊಂಡಿದ್ದು, ಶಿಕ್ಷಕರು ಮನೆಗೆ ಕರೆ ಮಾಡಿ ಮಗಳನ್ನು ಕರೆದುಕೊಂಡು ಹೋಗುವಂತೆ  ತಿಳಿಸಿದ್ದರು. ಈ ಸಂದರ್ಭ  ಜೋರಾಗಿ ಮಳೆ ಬರುತ್ತಿದ್ದರಿಂದ ರಿಕ್ಷಾದಲ್ಲಿ  ತೆರಳಲು ಪ್ರಯತ್ನಿಸಿದ್ದು, ರಿಕ್ಷಾ ಸಿಗದಿರುವ ಕಾರಣ  ಸಹೋದರನ ಬೈಕ್‌ನಲ್ಲಿ  ಶಾಲೆಗೆ ತೆರಳಿದ್ದಾರೆ. ಬೈಕ್‌ನಲ್ಲಿ ಸಂಚರಿಸುವಾಗ  ಗಾಳಿಯ ರಭಸಕ್ಕೆ  ಕೈಯಲ್ಲಿ ಹಿಡಿದಿದ್ದ ಕೊಡೆ ಹಾರಿ ಹೋಗಿದ್ದು ಈ ಸಂದರ್ಭ ನೆಲಕ್ಕೆ ಬಿದ್ದು ತೀವ್ರವಾಗಿ ಗಾಯಗೊಂಡು ಸ್ಥಳದಲ್ಲೆ ಮೃತಪಟ್ಟಿದ್ದಾರೆ ಎಂದು ತಿಳಿದು ಬಂದಿದೆ.  

ಮೃತರು ಕೂಲಿ ಕೆಲಸ ಮಾಡಿ ಜೀವನ ಸಾಗಿಸುತ್ತಿದ್ದು,  ಪತಿ, ಇಬ್ಬರು ಪುತ್ರಿಯರನ್ನು ಅಗಲಿದ್ದಾರೆ.