Panambur : ಸಿಐಎಸ್‌ಎಫ್‌ ಪಿಎಸ್‌ಐ ಗುಂಡು ಹಾರಿಸಿಕೊಂಡು ಆತ್ಮಹತ್ಯೆ

ಪಣಂಬೂರು: ನವಮಂಗಳೂರು ಬಂದರಿನ ಮುಖ್ಯದ್ವಾರದಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದ ಸಿಐಎಸ್‌ಎಫ್‌ ಪಡೆಯ ಪಿಎಸ್‌ಐ ರಾಯಚೂರು ನಿವಾಸಿ ಝಾಕೀರ್‌ ಹುಸೈನ್‌ (58) ತಮ್ಮ ಕರ್ತವ್ಯದ ರಿವಾಲ್ವರ್‌ನಿಂದ ಗುಂಡು ಹಾರಿಸಿಕೊಂಡು ಆತ್ಮಹತ್ಯೆ ಮಾಡಿಕೊಂಡ ಘಟನೆ ರವಿವಾರ ಬೆಳಗ್ಗೆ ಸಂಭವಿಸಿದೆ.

ಶನಿವಾರ ರಾತ್ರಿ ಕರ್ತವ್ಯಕ್ಕೆ ಹಾಜರಾಗಿದ್ದ ಇವರು ಬೆಳಗ್ಗೆ ಹಗಲು ಪಾಳಿಯವರಿಗೆ ಕರ್ತವ್ಯ ಹಸ್ತಾಂತರಿಸಲು ತಯಾರಾಗುತ್ತಿದ್ದಾಗ 6.30ರ ಸುಮಾರಿಗೆ ಶೌಚಾಲಯಕ್ಕೆ ತೆರಳಿದ್ದು,ಅಲ್ಲೇ ಈ ಕೃತ್ಯ ಎಸಗಿದ್ದಾರೆ. ಪಣಂಬೂರು ಠಾಣೆಯಲ್ಲಿ ದೂರು ದಾಖಲಾಗಿದ್ದು ತನಿಖೆ ನಡೆಯುತ್ತಿದೆ.