ಪಣಜಿ : ಅತ್ಯಂತ ಎತ್ತರದ ಸೇತುವೆಯ ಮೇಲೆ ಜಾನುವಾರುಗಳು!

ಪಣಜಿ: ಪಣಜಿಯ ಮಾಂಡವಿ ನದಿಗೆ ನಿರ್ಮಿಸಲಾಗಿರುವ ಅಟಲ್ ಸೇತುವೆಯ ಮೇಲೆ ದ್ವಿಚಕ್ರ ವಾಹನಗಳ ಓಡಾಟಕ್ಕೆ ಪರವಾನಗಿ ಇಲ್ಲ. ಆದರೆ ಅತ್ಯಂತ ಎತ್ತರದ ಸೇತುವೆಯ ಮೇಲೆ ಎಮ್ಮೆಗಳು ಮಾತ್ರ ಹೇಗೆ ಪರವಾನಗಿ ಪಡೆದುಕೊಂಡಿವೆ ಎಂಬ ಅನುಮಾನ ಮೂಡುತ್ತಿದ್ದು, ಅಟಲ್ ಸೇತುವೆಯ ಮೇಲೆ ಜಾನುವಾರುಗಳು ಓಡಾಟ ನಡೆಸುತ್ತಿರುವ ದೃಶ್ಯ ಕಂಡುಬಂದಿದೆ.

ಪಣಜಿಯ ಮಾಂಡವಿ ನದಿಗೆ ನಿರ್ಮಿಸಲಾಗಿರುವ ಅತ್ಯಂತ ಎತ್ತರದ ಸೇತುವೆ ಇದಾಗಿರುವುದರಿಂದ, ಈ ಅಟಲ್ ಸೇತುವೆಯ ಮೇಲೆ ದ್ವಿಚಕ್ರ ವಾಹನಗಳ ಓಡಾಟಕ್ಕೆ ಅನುಮತಿಯಿಲ್ಲ. ಒಂದು ವೇಳೆ ಈ ಸೇತುವೆಯ ಮೇಲೆ ದ್ವಿಚಕ್ರ ವಾಹನಗಳು ಬಂದರೆ ಪೋಲಿಸರು ದಂಡ ವಿಧಿಸುವುದು ಖಂಡಿತ. ಇಂತಹ ಬೃಹತ್ ಸೇತುವೆಯ ಮೇಲೆ ಜಾನುವಾರುಗಳು ನಿರ್ಭಯವಾಗಿ ಓಡಾಟ ನಡೆಸುತ್ತಿರುವುದು ಕ್ಯಾಮರಾದಲ್ಲಿ ಸೆರೆಯಾಗಿದೆ.