ಪಾಕ್‌ ಮಾಜಿ ಅಧ್ಯಕ್ಷ ಜರ್ದಾರಿ ನಿಕಟವರ್ತಿಯಿಂದ 60 ಕೋಟಿ ರೂ. ಅಕ್ರಮ ಹಣ ವಶ

ಇಸ್ಲಾಮಾಬಾದ್‌ : ಪಾಕಿಸ್ಥಾನದ ಉನ್ನತ ಭ್ರಷ್ಟಾಚಾರ ನಿಗ್ರಹ ದಳ ದೇಶದ ಮಾಜಿ ಅಧ್ಯಕ್ಷ ಆಸಿಫ್ ಅಲಿ ಜರ್ದಾರಿಯ ನಿಕಟವರ್ತಿಯಿಂದ 60 ಕೋಟಿ ರೂ. ಅಕ್ರಮ ಹಣ ವಶಪಡಿಸಿಕೊಂಡಿದೆ.

ಜರ್ದಾರಿ ಅವರ ಉದ್ಯಮ ಪಾಲುದಾರ, ನಿಕಟವರ್ತಿ ಎನ್ನಲಾಗಿರುವ ಯೂನಸ್‌ ಕುದ್ವಾವಿ ನಕಲಿ ಖಾತೆಗಳ ಕೇಸಿನ ಪ್ರಮುಖ ಶಂಕಿತನಾಗಿದ್ದು ಆತನಲ್ಲಿದ್ದ 60 ಕೋಟಿ ರೂ. ಅಕ್ರಮ ಹಣವನ್ನು ಭ್ರಷ್ಟಾಚಾರ ನಿಗ್ರಹ ದಳ ವಶಪಡಿಸಿಕೊಂಡಿರುವುದಾಗಿ ಮಾಧ್ಯಮ ವರದಿ ತಿಳಿಸಿದೆ.

ದೇವಸ್ಥಾನ ಮತ್ತು ಗ್ರಂಥಾಲಯಕ್ಕೆಂದು ನೋಂದಾವಣೆಗೊಂಡಿದ್ದ ನಿವೇಶಗಳಿಗೆ ಸಂಬಂಧಿಸಿ ಕುದ್ವಾವಿ ಅಕ್ರಮ ಅಲಾಟ್‌ಮೆಂಟ್‌ ಲೆಟರ್‌ ಕೊಟ್ಟಿದ್ದ ಆರೋಪವನ್ನು ಎದುರಿಸುತ್ತಿದ್ದಾನೆ.