18 ವರ್ಷದ ಯುವತಿಯನ್ನು 3ನೇ ಮದುವೆಯಾಗಿ ಸುದ್ದಿಯಾಗಿದ್ದ ಪಾಕ್‌ ಸಂಸದ ಆಮಿರ್‌ ನಿಧನ

ಇಸ್ಲಾಮಾಬಾದ್‌: ವರ್ಷದ ಆರಂಭದಲ್ಲಿ 18 ವರ್ಷದ ಯುವತಿಯನ್ನು 3ನೇ ಮದುವೆಯಾಗಿ ಸುದ್ದಿಯಾಗಿದ್ದ ಪಾಕಿಸ್ತಾನದ ಸಂಸದ ಆಮಿರ್‌ ಲಿಯಾಕತ್‌ ಹುಸ್ಸೇನ್‌(49) ಗುರುವಾರ ಸಾವನ್ನಪ್ಪಿದ್ದಾರೆ.

ಆಮಿರ್‌ಗೆ ಬುಧವಾರ ರಾತ್ರಿಯೇ ಅನಾರೋಗ್ಯ ಕಾಣಿಸಿಕೊಂಡಿತ್ತು. ಗುರುವಾರ ಬೆಳಗ್ಗೆ ಅವರು ಕೂಗಿಕೊಳ್ಳುವುದು ಕೇಳಿಸಿ, ಮನೆಯ ಕೆಲಸಗಾರರು ಬಾಗಿಲು ಒಡೆದು ಒಳಗೆ ಹೋಗಿದ್ದಾರೆ. ತಕ್ಷಣವೇ ಅವರನ್ನು ಆಸ್ಪತ್ರೆಗೆ ಕರೆದೊಯ್ಯುಲಾಗಿದೆಯಾದರೂ ಅವರು ಚಿಕಿತ್ಸೆಗೆ ಸ್ಪಂದಿಸದೆ ಸಾವನ್ನಪ್ಪಿದ್ದಾರೆ.

ಆಮಿರ್‌ 3ನೇ ವಿವಾಹವಾಗಿ ಒಂದೇ ತಿಂಗಳಲ್ಲಿ ಪತ್ನಿ “ಆಮಿರ್‌ ಡ್ರಗ್ಸ್‌ ಅಡಿಕ್ಟ್’ ಎಂದು ದೂರಿ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದರು. ಪಿಟಿಐ ಪಕ್ಷದ ಆಮಿರ್‌ ಹಾಸ್ಯ ಕಲಾವಿದ ಹಾಗೂ ಕೆಲವು ಟಿವಿ ಕಾರ್ಯಕ್ರಮಗಳ ನಿರೂಪಣೆ ಕೂಡ ಮಾಡುತ್ತಿದ್ದರು.