Punjab border; ಪಾಕ್‌ ಒಳನುಸುಳುಕೋರನ ಹ*ತ್ಯೆ

ಚಂಡೀಗಢ: ಪಂಜಾಬ್‌ನ ಅಮೃತಸರ ಜಿಲ್ಲೆಯ ಅಂತಾರಾಷ್ಟ್ರೀಯ ಗಡಿಯಲ್ಲಿ ಶಂಕಿತ ಪಾಕಿಸ್ಥಾನಿ ನುಸುಳುಕೋರನೊಬ್ಬನನ್ನು ಗುಂಡಿಕ್ಕಿ ಕೊಲ್ಲಲಾಗಿದೆ ಎಂದು ಬಿಎಸ್‌ಎಫ್‌ ತಿಳಿಸಿದೆ. ರವಿವಾರ ರಾತ್ರಿ ಮಹಾವಾ ಗ್ರಾಮದ ಬಳಿಯ ಗಡಿ ಪ್ರದೇಶದಲ್ಲಿ ಪಾಕ್‌ ನುಸುಳುಕೋರ ಪ್ರವೇಶಿಸುವಾಗ ಗಸ್ತು ಕಾಯುತ್ತಿದ್ದ ಬಿಎಸ್‌ಎಫ್ ಯೋಧರು ಆತನನ್ನು ಗಡಿ ಪ್ರವೇಶ ಮಾಡದಂತೆ ಎಚ್ಚರಿಸಿದರು. ಇದರ ಹೊರತಾಗಿಯೂ ಆತ ಮುಂದುವರಿದು ಬಂದಿದ್ದಾನೆ. ಆಗ ಆತನ ಮೇಲೆ ಗುಂಡು ಹಾರಿಸಲಾಯಿತು ಎಂದು ಬಿಎಸ್‌ಎಫ್ ತಿಳಿಸಿದೆ.