ಪಾಕ್‌ ಭಾರಿ ಗುಂಡಿನ ದಾಳಿ;3 ಮಕ್ಕಳು ಬಲಿ, 9 ಮಂದಿಗೆ ಗಾಯ 

ಜಮ್ಮು: ಪಾಕಿಸ್ಥಾನ ಕದನ ವಿರಾಮ ಉಲ್ಲಂಘನೆ ಮಾಡಿ ಅಂತರಾಷ್ಟ್ರೀಯ ಗಡಿಯಲ್ಲಿ ಗುಂಡಿನ ದಾಳಿ ಮುಂದುವರಿಸಿದ್ದು, ಸೋಮವಾರ ನಸುಕಿನ ವೇಳೆ ಪೂಂಛ್  ಸೆಕ್ಟರ್‌ನ ಕೆರ್ನಿ ಮತ್ತು ದಿಗ್ವಾರ್‌ ಪ್ರದೇಶದಲ್ಲಿ ನಡೆಸಿದ ಭಾರಿ ಮೋರ್ಟಾರ್‌ ಶೆಲ್‌ ದಾಳಿಗೆ 10 ವರ್ಷದ ಬಾಲಕ, ಬಾಲಕಿ ಸೇರಿದಂತೆ ಮೂವರು ಮಕ್ಕಳು ದಾರುಣವಾಗಿ  ಸಾವನ್ನಪ್ಪಿದ್ದು, 9 ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ.

ಪಾಕ್‌ ದಾಳಿಗೆ ಭಾರತೀಯ ಪಡೆಗಳು ತಕ್ಕ ಪ್ರತ್ಯುತ್ತರ ನೀಡಿರುವುದಾಗಿ ಸೇನಾ ಮೂಲಗಳು ತಿಳಿಸಿವೆ. 

ಕೆರ್ನಿ ಪ್ರದೇಶದಲ್ಲಿ  ಉಭಯ ಸೇನಾ ಪಡೆಗಳ ನಡುವೆ ಭಾರಿ ಚಕಮಕಿ ಮುಂದುವರೆದಿದೆ ಎಂದು ಪೊಲೀಸ್‌ ಮೂಲಗಳು ತಿಳಿಸಿವೆ.