ಕಿಸ್ಕಾ ಸಾಥ್‌, ಕಿಸ್ಕಾ ವಿಶ್ವಾಸ್‌ ? ಮೋದಿ ಸರಕಾರಕ್ಕೆ ಅಸಾದುದ್ದೀನ್‌ ಓವೈಸಿ ಟಾಂಗ್‌

ಹೈದರಾಬಾದ್‌ : “ದೇಶದಲ್ಲಿ ದಾಖಲೆ ಪ್ರಮಾಣದ ನಿರುದ್ಯೋಗ, ಆರು ತಿಂಗಳ ಗರಿಷ್ಠ ಮಟ್ಟದ ಚಿಲ್ಲರೆ ಹಣದುಬ್ಬರ ಮತ್ತಿತರ ನೇತ್ಯಾತ್ಮಕ ಆರ್ಥಿಕ ಅಂಶಗಳು ಇವೆ’ ಎಂದಿರುವ ಎಐಎಂಐಎಂ ಅಧ್ಯಕ್ಷ ಅಸಾದುದ್ದೀನ್‌ ಓವೈಸಿ ಅವರು ಕೇಂದ್ರದಲ್ಲಿನ ಎನ್‌ಡಿಎ ಸರಕಾರವನ್ನು ತೀವ್ರವಾಗಿ ತರಾಟೆಗೆ ತೆಗೆದುಕೊಂಡಿದ್ದಾರೆ.

ಓವೈಸಿ ಅವರು ಮಾಡಿರುವ ಟ್ವೀಟ್‌ ನಲ್ಲಿ “ದಾಖಲೆಯ ಯುವಜನ ನಿರುದ್ಯೋಗ, ಮೋಟಾರು ವಾಹನ ಉದ್ಯಮದ ತಾತ್ಕಾಲಿಕ ಮುಚ್ಚುಗಡೆ, ದೇಶದ ಶೇ.50 ಭಾಗದಲ್ಲಿ ಬರದಂತಹ ಪರಿಸ್ಥಿತಿ, ಗ್ರಾಮೀಣ ಆದಾಯದಲ್ಲಿ ನೇತ್ಯಾತ್ಮಕ ಪ್ರಗತಿ, ಇಷ್ಟಿದ್ದೂ ಸೆನ್ಸೆಕ್ಸ್‌ 40,000 ; ಕಿಸ್ಕಾ ಸಾಥ್‌, ಕಿಸ್ಕಾ ವಿಶ್ವಾಸ್‌ ‘ ಎಂದು ಮೋದಿ ಸರಕಾರಕ್ಕೆ ಟಾಂಗ್‌ ನೀಡಿದ್ದಾರೆ.

ಹೈದರಾಬಾದ್‌ ಲೋಕಸಭಾ ಸದಸ್ಯರಾಗಿರುವ ಓವೈಸಿ ಅವರು ಹಿಂದಿನಿಂದಲೂ ಬಿಜೆಪಿ ಮತ್ತು ಎನ್‌ಡಿಎ ಸರಕಾರದ ಕಟು ಟೀಕಾಕಾರರಾಗಿದ್ದಾರೆ.