ಮಂಡ್ಯ :ಕುಕ್ಕರ್‌ ವಿಷಲ್‌ ನುಂಗಿ 1ವರ್ಷದ ಮಗು ದಾರುಣ ಸಾವು 

ಮಂಡ್ಯ: ಕುಕ್ಕರ್‌ನ ವಿಷಲ್‌ ನುಂಗಿದ 1 ವರ್ಷದ ಗಂಡು ಮಗು ದಾರುಣವಾಗಿ ಸಾವನ್ನಪ್ಪಿದ ಮನಕಲುಕುವ ಘಟನೆ ಮುದ್ದೂರಿನ ನಗರಕೆರೆಯಲ್ಲಿ  ಶನಿವಾರ ನಡೆದಿದೆ. 

ಮರಿಲಿಂಗೇಗೌಡ ಮತ್ತು ರೂಪಾ ದಂಪತಿಯ ಪುತ್ರ ಭುವನ್‌ ಮೃತಪಟ್ಟ ಮಗು. 

ರಾತ್ರಿ ಆಟವಾಡುತ್ತಿದ್ದ ಮಗು ಕುಕ್ಕರ್‌ ವಿಷಲನ್ನು ಬಾಯಿಗೆ ಹಾಕಿಕೊಂಡಿದೆ. ಕೂಡಲೇ ಅಸ್ವಸ್ಥಗೊಂಡ ಮಗುವನ್ನು ತಾಲೂಕು ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ ಚಿಕಿತ್ಸೆ ಫ‌ಲಕಾರಿಯಾಗದೆ ಸಾವನ್ನಪ್ಪಿದೆ.