ಐಸಿಸ್‌ ನಂಟಿನ ವ್ಯಕ್ತಿಗೆ ಪಾಸ್‌ ಪೋರ್ಟ್‌ ಸಿಗಲು ನೆರವಾದಾತ ಅರೆಸ್ಟ್‌

ತಿರುಚಿನಾಪಳ್ಳಿ : ಐಸಿಸ್‌ ಉಗ್ರ ಸಂಘಟನೆಯೊಂದಿಗೆ ನಂಟು ಹೊಂದಿರುವ ವ್ಯಕ್ತಿಯೊಬ್ಬನಿಗೆ ಪಾಸ್‌ ಪೋರ್ಟ್‌ ಪಡೆಯಲು ಖೋಟಾ ದಾಖಲೆ ಪತ್ರಗಳನ್ನು ಸೃಷ್ಟಿಸುವ ಮೂಲಕ ನೆರವಾದ ಆರೋಪದ ಮೇಲೆ ಪುತ್ತುಕೋಟ್ಟೈ ನಿವಾಸಿಯೊಬ್ಬನನ್ನು ಎನ್‌ಐಎ ಅಧಿಕಾರಿಗಳು ಬಂಧಿಸಿದ್ದಾರೆ. 

ಬಂಧಿತ ವ್ಯಕ್ತಿಯನ್ನು ಎಂ ಶಫೀಕ್‌ ಅಹ್ಮದ್‌ ಎಂದು ಗುರುತಿಸಲಾಗಿದೆ. ಈತನನ್ನು ಬಳಿಕ ದಿಲ್ಲಿಯಲ್ಲಿನ ಎನ್‌ಐಎ ಕೋರ್ಟಿನಲ್ಲಿ ಹಾಜರು ಪಡಿಸಲಾಯಿತು. ನ್ಯಾಯಾಲಯ ಆತನನ್ನು 7 ದಿನಗಳ ರಿಮಾಂಡ್‌ಗೆ ಒಪ್ಪಿಸಿತು. 

ಬಂಧಿತ ಅಹ್ಮದ್‌, ಐಸಿಸ್‌ ಉಗ್ರ ಸಂಘಟನೆಯೊಂದಿಗೆ ನಂಟು ಹೊಂದಿದ್ದ ವಿ ಕೆ ಶಾಜಹಾನ್‌ ಅಲಿಯಾಸ್‌ ಮೊಹಮ್ಮದ್‌ ಇಸ್ಮಾಯಿಲ್‌ ಮೊಹಿದೀನ್‌ ಎಂಬಾತನಿಗೆ ಪಾಸ್‌ ಪೋರ್ಟ್‌ ಸಿಗುವಲ್ಲಿ ಖೋಟಾ ದಾಖಲೆ ಪತ್ರಗಳನ್ನು ಸೃಷ್ಟಿಸುವ ಮೂಲಕ ನೆರವಾಗಿದ್ದ.