ಕರಜಗಿಯಲ್ಲಿ ಭಕ್ತ ನಿವಾಸ ಲೋಕಾರ್ಪಣೆ 7ರಂದು

ಕಲಬುರಗಿ: ಅಫಜಲಪುರ ತಾಲೂಕಿನ ಕರಜಗಿಯಲ್ಲಿ 10 ಸಾವಿರ ಚದರ ಅಡಿ ನಿವೇಶನದಲ್ಲಿ ನಿರ್ಮಾಣವಾಗಿರುವ ನವೀಕೃತ ಭಕ್ತನಿವಾಸ-ಕಲ್ಯಾಣ ಮಂಟಪದ ಲೋಕಾರ್ಪಣೆ ಫೆ. 7ರಂದು ನಡೆಯಲಿದೆ. ಫೆ. 7ರಂದು ಉತ್ತರಾದಿ ಮಠಾಧೀಶರು ಭೀಮಾತೀರದ ಮಣ್ಣೂರಿನಿಂದ ಕರಜಗಿಗೆ ಆಗಮಿಸಲಿದ್ದಾರೆ.

ಶ್ರೀಗಳ ಸಾನ್ನಿಧ್ಯದಲ್ಲಿ ಕರಜಗಿಯಲ್ಲಿ ನಡೆಯುತ್ತಿರುವ ಈ ಧಾರ್ಮಿಕ, ಪರಿವಾರದ ಸಮಾರಂಭದಲ್ಲಿ ಕರ್ನಾಟಕ, ಮಹಾರಾಷ್ಟ್ರ, ಆಂದ್ರ, ತೆಲಂಗಾಣ ರಾಜ್ಯಗಳ ಸಾವಿರಾರು ಭಕ್ತರು ಪಾಲ್ಗೊಳ್ಳಲಿದ್ದಾರೆ ಎಂದು ಕರಜಗಿ ನರಸಿಂಹ ದೇವಸ್ಥಾನ ಟ್ರಸ್ಟ್‌ ಅಧ್ಯಕ್ಷ ಪಂ. ರಾಮಾಚಾರ್ಯ ಅವಧಾನಿ ತಿಳಿಸಿದ್ದಾರೆ.