ಮಗನ ತೋಳಲ್ಲಿ ವೃದ್ಧ ತಾಯಿ!

ಮಂಗಳೂರು: ತಾಯಿ ತನ್ನ ಮಗುವನ್ನು ಎದೆಗವಚಿಕೊಂಡು ಹೋಗುವ ದೃಶ್ಯ ಸಾಮಾನ್ಯ. ಆದರೆ ಇಲ್ಲೊಬ್ಬ ಮಗ ತನ್ನ ವೃದ್ಧ ತಾಯಿಯನ್ನೇ ಮಗುವಿನಂತೆ ಎತ್ತಿಕೊಂಡು ಹೋಗುವ ದೃಶ್ಯಕ್ಕೆ ಮಂಗಳೂರು ನಗರ ಈ ದಿನ ಸಾಕ್ಷಿಯಾಯಿತು.

ಶ್ರೀ ಕ್ಷೇತ್ರ ಧರ್ಮಸ್ಥಳಕ್ಕೆ ತೆರಳಲೆಂದು ಅವರಿಬ್ಬರು ತರೀಕೆರೆಯಿಂದ ಬಂದಿದ್ದರು. ಸದಾ ವಾಹನ ದಟ್ಟಣೆಯಿಂದ ಕೂಡಿರುವ ಬಿಜೈ ಕೆಎಸ್ಸಾರ್ಟಿಸಿ ಬಸ್‌ ನಿಲ್ದಾಣದ ಮುಂಭಾಗದಲ್ಲಿ ಮಗ ತಾಯಿಯನ್ನು ಎತ್ತಿಕೊಂಡು ಹೋಗುತ್ತಿದ್ದ ಶೈಲಿಯೇ ಅವರಿಬ್ಬರ ನಡುವಿನ ಮಮತೆಯನ್ನು ಸಾರಿಹೇಳುತ್ತಿತ್ತು.