Advertisement

ವಿದೇಶದಲ್ಲಿದ್ದುಕೊಂಡೇ ಮನೆಯ ಕರೆಂಟ್‌ ಬಿಲ್‌, ನೀರಿನ ಬಿಲ್‌ ಪಾವತಿಸಿ!

07:13 PM Aug 06, 2022 | Team Udayavani |

ನವದೆಹಲಿ: ಇನ್ನು ಮುಂದೆ ಎನ್ನಾರೈಗಳು ತಾವು ಇರುವಲ್ಲಿಂದಲೇ ಭಾರತದಲ್ಲಿರುವ ತಮ್ಮ ಕುಟುಂಬದ ಪರವಾಗಿ ವಿವಿಧ ಬಿಲ್‌ಗ‌ಳನ್ನು ಪಾವತಿಸಬಹುದು!

Advertisement

ಭಾರತದಲ್ಲಿರುವ ಕುಟುಂಬಸ್ಥರ ಬ್ಯಾಂಕ್‌ ಖಾತೆಗಳಿಗೆ ಹಣ ರವಾನಿಸಿ, ಅದನ್ನು ಅವರು ವಿತ್‌ಡ್ರಾ ಮಾಡಿ ಬಿಲ್‌ ಪಾವತಿಸುವಂಥ ಕಷ್ಟ ಇನ್ನಿರುವುದಿಲ್ಲ. ಏಕೆಂದರೆ, ಭಾರತ್‌ ಬಿಲ್‌ ಪಾವತಿ ವ್ಯವಸ್ಥೆ(ಬಿಬಿಪಿಎಸ್‌) ಮೂಲಕ ತಮ್ಮ ಕುಟುಂಬಕ್ಕೆ ಸಂಬಂಧಿಸಿದ ಎಲ್ಲ ಬಿಲ್‌ಗ‌ಳನ್ನೂ ಪಾವತಿಸಲು ವಿದೇಶಗಳಲ್ಲಿರುವ ಭಾರತೀಯರಿಗೆ ಭಾರತೀಯ ರಿಸರ್ವ್‌ ಬ್ಯಾಂಕ್‌(ಆರ್‌ಬಿಐ) ಅವಕಾಶ ಕಲ್ಪಿಸಿದೆ. ಸದ್ಯದಲ್ಲೇ ಈ ಯೋಜನೆ ಅನುಷ್ಠಾನಗೊಳ್ಳಲಿದೆ.

ಬಿಬಿಪಿಎಸ್‌ ಎನ್ನುವುದು ರಾಷ್ಟ್ರೀಯ ಪಾವತಿ ನಿಗಮ(ಎನ್‌ಪಿಸಿಐ)ದ ಕನಸಿನ ಕೂಸಾಗಿದ್ದು, ಇದರ ಮೂಲಕ ಎಲ್ಲಿ ಬೇಕಿದ್ದರೂ, ಯಾವ ಸಮಯದಲ್ಲಾದರೂ ಬಿಲ್‌ ಪಾವತಿಸಬಹುದು.

ಹೀಗಾಗಿ ಎನ್ನಾರೈಗಳು ಈ ವ್ಯವಸ್ಥೆಯನ್ನು ಬಳಸಿಕೊಂಡು, ಭಾರತದಲ್ಲಿರುವ ತಮ್ಮ ಕುಟುಂಬದ ನೀರಿನ ಬಿಲ್‌, ಕರೆಂಟ್‌ ಬಿಲ್‌ ಅಥವಾ ದೂರಸಂಪರ್ಕ ಸೇವೆಯ ಬಿಲ್‌ ಸೇರಿದಂತೆ ಎಲ್ಲ ಬಿಲ್‌ಗ‌ಳನ್ನೂ ಪಾವತಿಸಬಹುದು. ಕಾರ್ಡ್‌ (ಕ್ರೆಡಿಟ್‌ ಅಥವಾ ಡೆಬಿಟ್‌), ನೆಫ್ಟ್, ಯುಪಿಐ ಅಥವಾ ವ್ಯಾಲೆಟ್‌ ಮುಂತಾದ ಆಯ್ಕೆಗಳ ಮೂಲಕ ಬಿಲ್‌ ಪಾವತಿಸಲು ಬಿಬಿಪಿಎಸ್‌ ಅವಕಾಶ ನೀಡಲಿದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next