ಮಿಸ್‌ ಯೂ ಪಾಪಾ : ಲಾಲುಗೆ ಹಿರಿಯ ಪುತ್ರ ತೇಜ್‌ ಪ್ರತಾಪ್‌ ಭಾವನಾತ್ಮಕ ಸಂದೇಶ

ಪಟ್ನಾ : ಆರ್‌ಜೆಡಿ ಮುಖ್ಯಸ್ಥ ಲಾಲು ಪ್ರಸಾದ್‌ ಯಾದವ್‌ ಅವರ ಹಿರಿಯ ಪುತ್ರ ತೇಜ್‌ ಪ್ರತಾಪ್‌ ಅವರು ತಮ್ಮ ತಂದೆಗೆ ಟ್ವಿಟರ್‌ ನಲ್ಲಿ ಭಾವನಾತ್ಮಕ ಸಂದೇಶವೊಂದನ್ನು ಪೋಸ್ಟ್‌ ಮಾಡಿದ್ದಾರೆ.

“ಪಾಟಲೀಪುತ್ರ ರಾಲಿಯಲ್ಲಿ ನೀವು ಉಪಸ್ಥಿತರಿಲ್ಲದ ಕಾರಣಕ್ಕೆ ನನಗೆ ಮಾತನಾಡುವ ಅವಕಾಶವನ್ನೇ ನಿರಾಕರಿಸಲಾಯಿತು; ಐ ಮಿಸ್‌ ಯೂ ಪಾಪಾ” ಎಂದು ನೋವಿನಿಂದ ಟ್ವೀಟ್‌ ಮಾಡಿರುವ ತೇಜ್‌ ಪ್ರತಾಪ್‌ ಟ್ವೀಟ್‌ ಜತೆಗೆ ತಂದೆಯೊಂದಿಗಿನ ತನ್ನ ಕಟೌಟ್‌ ಚಿತ್ರವನ್ನು ಕೂಡ ಪೋಸ್ಟ್‌ ಮಾಡಿದ್ದಾರೆ.

ಲಾಲು ಅವರು ಪ್ರಕೃತ ಬಹುಕೋಟಿ ಮೇವು ಹಗರಣದ ಅಪರಾಧಿಯಾಗಿ ರಾಂಚಿಯಲ್ಲಿ ಜೈಲು ಶಿಕ್ಷೆ ಅನುಭವಿಸುತ್ತಿದ್ದಾರೆ.