ಉತ್ತರ ಕೊರಿಯಾ ಕ್ಷಿಪಣಿ: ಭಾರತಕ್ಕೂ ಸವಾಲು?

ನವದೆಹಲಿ: ಉತ್ತರ ಕೊರಿಯಾ ಹೊಂದಿರುವ ಅಣ್ವಸ್ತ್ರ ತಂತ್ರಜ್ಞಾನ ಮುಂದಿನ ದಿನಗಳಲ್ಲಿ ಭಾರತಕ್ಕೆ ಕೂಡ ತಲೆನೋವಾಗಲಿದೆಯೇ? ಹೌದು ಎನ್ನುತ್ತಿದೆ ವಿದೇಶಾಂಗ ಖಾತೆಯ ಉನ್ನತ ಮೂಲ. ಪಾಕಿಸ್ತಾನ ಮತ್ತು ಚೀನಾದಿಂದ ಹೇರಳವಾಗಿ ಅದಕ್ಕೆ ಸಂಬಂಧಿಸಿ ತಂತ್ರಜ್ಞಾನ ಮತ್ತು ವಸ್ತುಗಳು ಪೂರೈಕೆಯಾಗಿದ್ದರಿಂದಲೇ ಅಮೆರಿಕಕ್ಕೆ ಸೆಡ್ಡು ಹೊಡೆಯುವಂತೆ ತಾಂತ್ರಿಕವಾಗಿ ಬೆಳೆದು ನಿಂತಿರುವುದಕ್ಕೆ ಆ ರಾಷ್ಟ್ರಗಳೇ ಕಾರಣ ಎಂದು ಹಿರಿಯ ಅಧಿಕಾರಿ ಹೇಳಿದ್ದಾರೆ.

ಈ ಬಗ್ಗೆ “ದ ಹಿಂದುಸ್ತಾನ್‌ ಟೈಮ್ಸ್‌’ ವರದಿ ಮಾಡಿದೆ. ಯಾವ ಪ್ರಮಾಣದಲ್ಲಿ ಎಷ್ಟು ಉತ್ತರ ಕೊರಿಯಾಕ್ಕೆ ನೆರವಾಗಿವೆ ಎನ್ನುವುದನ್ನು ಪತ್ತೆ ಮಾಡಲು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ತನಿಖೆಯಾಗಬೇಕು ಎಂದು ಅವರು ಪ್ರತಿಪಾದಿಸಿದ್ದಾರೆ. ಈ ನಿಟ್ಟಿನಲ್ಲಿ ಜ.16ರಂದು ವಾಂಕೂವರ್‌ನಲ್ಲಿ ಅಮೆರಿಕ, ಕೆನಡಾ, ಫ್ರಾನ್ಸ್‌ ನೇತೃತ್ವದಲ್ಲಿ ಮಾತು ಕತೆ ನಡೆಯಲಿದೆ. ಭಾರತಕ್ಕೂ ಆಹ್ವಾನವಿದೆ.