ರೈತ ಹೋರಾಟದಲ್ಲಿ ಯೋಧರಿಲ್ಲ: ಸೇನೆ

ನವದೆಹಲಿ: ಕೃಷಿ ಕಾಯ್ದೆಗಳನ್ನು ವಿರೋಧಿಸಿ ಪಂಜಾಬ್‌ನಲ್ಲಿ ನಡೆಯುತ್ತಿರುವ ರೈತ ಹೋರಾಟದಲ್ಲಿ ಸೇನೆಯ ಯೋಧರು ಭಾಗಿಯಾಗಿಲ್ಲ. ಈ ಬಗ್ಗೆ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ವಿಡಿಯೋ ನಕಲಿ ಎಂದು ಸೇನೆ ಭಾನುವಾರ ಸ್ಪಷ್ಟನೆ ನೀಡಿದೆ.

ರೈತ ಹೋರಾಟ ನಡೆಯುತ್ತಿದ್ದ ಸ್ಥಳದಲ್ಲಿನ ಟೆಂಟ್‌ ಒಂದರಲ್ಲಿ ಸೇನೆಯ ಯೋಧರು ಮತ್ತು ರೈತರು ಒಟ್ಟಾಗಿರುವ ವಿಡಿಯೋ ಹರಿದಾಡಿತ್ತು. ಆ ವಿಡಿಯೋವನ್ನು ಪಂಜಾಬ್‌ ರೆಜಿಮೆಂಟ್‌ ಯೋಧರು ರೈತರೊಂದಿಗೆ ಪ್ರತಿಭಟಿಸುತ್ತಿರುವುದು ಎಂದು ಬಿಂಬಿಸಲಾಗಿತ್ತು. ಆದರೆ ಅದು ಸುಳ್ಳು ಎಂದು ಸೇನೆ ಹೇಳಿದೆ.

ಮಾಜಿ ಯೋಧರೊಬ್ಬರು, ಪ್ರಸ್ತುತ ಸೇವೆಯಲ್ಲಿದ್ದ ಯೋಧರಿಗೆ ಟೀ ವ್ಯವಸ್ಥೆ ಮಾಡಿದ್ದರು. ಅದಕ್ಕಾಗಿ ಟೆಂಟ್‌ ಹಾಕಲಾಗಿತ್ತು ಎಂದು ಸೇನೆಯ ಹೇಳಿಕೆಯಲ್ಲಿ ತಿಳಿಸಲಾಗಿದೆ.

ಇದನ್ನೂ ಓದಿ:ಜಮೀರ್‌ ಅಹಮದ್‌ಗೆ ಉತ್ತರಪ್ರದೇಶ ಚುನಾವಣೆ ಪ್ರಚಾರದ ಉಸ್ತುವಾರಿ?