Patna: ಕಣ್ಣು ತಂಪಾಗಿಸಲು ನಿತೀಶ್‌ ಮಹಿಳಾ ಸಂವಾದ ಯಾತ್ರೆ… ಲಾಲು ವಿವಾದ !

ಪಾಟ್ನಾ: “ಬಿಹಾರ ಸಿಎಂ ನಿತೀಶ್‌ ಕುಮಾರ್‌ ತಮ್ಮ ಕಣ್ಣು ತಂಪು ಮಾಡಿಕೊಳ್ಳಲು ಮಹಿಳಾ ಸಂವಾದ ಯಾತ್ರೆ ನಡೆಸುತ್ತಿದ್ದಾರೆ’ ಎಂದು ಆರ್‌ಜೆಡಿ ಮುಖ್ಯಸ್ಥ ಲಾಲು ಪ್ರಸಾದ್‌ ಯಾದವ್‌ ಟೀಕಿಸಿದ್ದಾರೆ. ಅವರ ಮಾತುಗಳು ವಿವಾದಕ್ಕೆ ಗುರಿಯಾಗಿದೆ.

ಲಾಲು ನಾಲಿಗೆ ಹರಿಬಿಟ್ಟು ರಾಜ್ಯದ ಮಹಿಳೆಯರನ್ನು ಅವಮಾನಿಸಿದ್ದಾರೆ ಎಂದು ಜೆಡಿಯು ಮತ್ತು ಬಿಜೆಪಿ ನಾಯಕರು ಕಿಡಿಯಾಗಿದ್ದಾರೆ. ಲಾಲುಗೆ ದೈಹಿಕ ಆರೋಗ್ಯ ಹದಗೆಟ್ಟಿದೆ ಎಂಬುದು ತಿಳಿದಿತ್ತು. ಈ ಹೇಳಿಕೆ ನೀಡುವ ಮೂಲಕ ಅವರ ಬುದ್ಧಿಯೂ ರೋಗಗ್ರಸ್ತವಾಗಿದೆ ಎಂಬುದು ಸಾಬೀತಾಗಿದೆ ಎಂದು ಡಿಸಿಎಂ ಸಾಮ್ರಾಟ್‌ ಚೌಧರಿ ಚಾಟಿ ಬೀಸಿದ್ದಾರೆ. ಮುಂಬರುವ ವಿಧಾನಸಭಾ ಚುನಾವಣೆ ಹಿನ್ನೆಲೆಯಲ್ಲಿ ಜೆಡಿಯು ಸರ್ಕಾರ ” ಮಹಿಳಾ ಸಂವಾದ ಯಾತ್ರೆ’ ಆಯೋಜಿಸಿದೆ.