ಕಲಬುರಗಿ: ಜಿಪಂ ಮಾಜಿ ಅಧ್ಯಕ್ಷ, ಯುವ ನೇತಾರ ನಿತೀನ ವಿ. ಗುತ್ತೇದಾರ ಅವರ 36ನೇ ಜನ್ಮ ದಿನಾಚರಣೆ ಶನಿವಾರ ವಿವಿಧ ಸಾಮಾಜಿಕ ಸೇವಾ ಕಾರ್ಯಗಳೊಂದಿಗೆ ನಡೆಯಿತು. ನಗರದ ಯಶ್‌ ಕೋಠಾರಿ ಭವನದಲ್ಲಿ ಯುವ ನಾಯಕ ನಿತಿನ್‌ ಗುತ್ತೇದಾರ ಅಭಿಮಾನಿಗಳು ಜನ್ಮದಿನ ಕಾರ್ಯಕ್ರಮದಲ್ಲಿ ಕೇಕ್‌ ಕತ್ತರಿಸಿ ಸಂಭ್ರಮಿಸಿದರು.
ಬಿಜೆಪಿ ಜಿಲ್ಲಾಧ್ಯಕ್ಷ ದೊಡ್ಡಪ್ಪಗೌಡ ಪಾಟೀಲ ನರಿಬೋಳ, ರಾಜ್ಯ ಸಹ ವಕ್ತಾರ ಶಶೀಲ್‌ ನಮೋಶಿ, ಮಾಜಿ ಸಚಿವರಾದ ಕೆ.ಬಿ. ಶಾಣಪ್ಪ, ಬಾಬುರಾವ್‌ ಚಿಂಚನಸೂರ, ಬಾಬುರಾವ ಚವ್ಹಾಣ, ಮುಖಂಡರಾದ ಚಂದು ಪಾಟೀಲ, ಸುಭಾಷ
ರಾಠೊಡ ಹಾಗೂ ನಾಮದೇವ ರಾಠೊಡ ಮಾತನಾಡಿ, ಕಿರಿಯ ವಯಸ್ಸಲ್ಲೇ ರಾಜಕೀಯದಲ್ಲಿ ಉತ್ತಮ ಹೆಸರು ಮಾಡಿರುವ ಜಿಲ್ಲಾ ಪಂಚಾಯಿತಿ ಮಾಜಿ ಅಧ್ಯಕ್ಷ ನಿತಿನ್‌ ಗುತ್ತೇದಾರ ಅವರಿಗೆ ರಾಜಕೀಯದಲ್ಲಿ ಉಜ್ವಲ ಭವಿಷ್ಯವಿದೆ ಎಂದು ಹೇಳಿದರು.
ಗುತ್ತೇದಾರ ಬಿಜೆಪಿ ಸೇರ್ಪಡೆಯಿಂದ ಆನೆಬಲ ಬಂದಂತಾಗಿದೆ. ಪಕ್ಷ ಸಹ ಅವರಿಗೆ ಎಲ್ಲ ಸ್ಥಾನಮಾನ ನೀಡಲಿದೆ. ಹೀಗಾಗಿ ಮುಂದಿನ ದಿನಗಳಲ್ಲಿ ಉನ್ನತ ಹುದ್ದೆಗಳಿಗೆ ಹೋಗಲಿದ್ದಾರೆ ಎಂದು ಆಶಯ ವ್ಯಕ್ತಪಡಿಸಿದರು.
ನಂತರ ನಿತೀನ್‌ ಗುತ್ತೇದಾರ ಮಾತನಾಡಿ, ತಮ್ಮೆಲ್ಲರ ಪ್ರೀತಿ ಪಾತ್ರದಿಂದ ಹಾಗೂ ಹಿತೈಷಿಗಳ ಶುಭಹಾರೈಕೆಯಿಂದ ಸಾಧ್ಯವಾದ ಮಟ್ಟಿಗೆ ಕೆಲಸ ಮಾಡುತ್ತಿದ್ದೇನೆ. ಮುಂದಿನ ವರ್ಷ ಸಮಾಜಮುಖೀ ಕೆಲಸಗಳ ಮೂಲಕ ಜನ್ಮ ದಿನವನ್ನು ಮತ್ತಷ್ಟು ಅರ್ಥಪೂರ್ಣವಾಗಿ ಆಚರಿಸೋಣ ಎಂದು ಹೇಳಿದರು.
ಮುಖಂಡರಾದ ಸೂರ್ಯಕಾಂತ ನಾಕೇದಾರ, ಮಹಾದೇವ ಗುತ್ತೇದಾರ್‌, ವಿಶ್ವನಾಥ ರೇವೂರ, ಕಲ್ಯಾಣರಾವ ನಾಗೋಜಿ, ಗುರು ಸಾಲಿಮಠ, ಸುನೀಲ್‌ ಶೆಟ್ಟಿ, ದತ್ತು ಪಾಟೀಲ್‌ ಗೌಡಗಾಂವ, ವಿನಯ ಗುತ್ತೇದಾರ, ವಿಶಾಲ್‌ ಗುತ್ತೇದಾರ, ಸಂತೋಷ ಗುತ್ತೇದಾರ, ನಿತಿನ್‌ ವಿ.ಎಸ್‌., ಸುನೀಲ ಸಜ್ಜನ್‌, ವಿಶ್ವನಾಥ ಹೇರೂರ, ಯಲ್ಲನಗೌಡ ಬಿರಾದಾರ, ರತನ ಪಾಟೀಲ, ಬಸವರಾಜ ಪಡಶೆಟ್ಟಿ, ರಾಜಶೇಖರ ಹಿರೇಮಠ ಹಾಗೂ ಅಭಿಮಾನಿಗಳು ಹಾಗೂ ಕಾರ್ಯಕರ್ತರು ಪಾಲ್ಗೊಂಡಿದ್ದರು.
ರಕ್ತದಾನ ಶಿಬಿರ, ಅಂಧ ಮಕ್ಕಳಿಗೆ ಬ್ಲಾಂಕೆಟ್
ವಿತರಣೆ: ಇದಕ್ಕೂ ಮುಂಚೆ ಅಭಿಮಾನಿಗಳಿಂದ ರಕ್ತದಾನ ಶಿಬಿರ ನಡೆಯಿತು. ಅದೇ ರೀತಿ ಅಂಧ ಮಕ್ಕಳಿಗೆ ಬ್ಲಾಂಕೆಟ್ ಹಾಗೂ ಅನ್ನ ಸಂತರ್ಪಣೆಯಂಥ ಸಮಾಜಮುಖೀ ಕಾರ್ಯಕ್ರಮಗಳು ನಡೆದವು. ಗೊಬ್ಬೂರದಲ್ಲಿಯೂ ನಿತೀನ ಗುತ್ತೇದಾರ ಅವರ 100ಕ್ಕೂ ಹೆಚ್ಚು ಅಭಿಮಾನಿಗಳು ರಕ್ತದಾನ ಮಾಡಿದರು.
