ನೇಪಾಲದಲ್ಲಿ ಸುಸೂತ್ರ ಲೋಕಲ್‌ ಎಲೆಕ್ಷನ್‌

ಕಾಠ್ಮಂಡು: 20 ವರ್ಷಗಳ ಅನಂತರ ನೇಪಾಲ ಸ್ಥಳೀಯ ಮಟ್ಟದ ಚುನಾವಣೆಗಳಿಗೆ ಸಾಕ್ಷಿಯಾಯಿತು. ಮೇಯರ್‌, ಉಪಮೇಯರ್‌, ವಾರ್ಡ್‌ ಅಧ್ಯಕ್ಷರ ಆಯ್ಕೆಗೆ ನಡೆದ ಮೊದಲ ಹಂತದ ಚುನಾವಣೆ ಶಾಂತಿಯುತವಾಗಿ ನಡೆದಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ. ಮೊದಲ ಹಂತದಲ್ಲಿ 283 ಘಟಕಗಳಲ್ಲಿ ಚುನಾವಣೆ ನಡೆದಿವೆ. ಮುಂದಿನ ಹಂತದ ಚುನಾವಣೆ ಸೋಮವಾರ ನಡೆಯಲಿದೆೆ. ದಶಕಗಳ ಕಾಲ ನಡೆದ ಮಾವೋವಾದಿಗಳ ದಂಗೆಗಳ ಕಾರಣ ಉಂಟಾದ ರಾಜಕೀಯ ಅಸ್ಥಿರತೆಯಿಂದಾಗಿ 1997ರ ಅನಂತರ ನೇಪಾಲದಲ್ಲಿ ಸ್ಥಳೀಯ ಮಟ್ಟದ ಚುನಾವಣೆಗಳು ನಡೆದೇ ಇಲ್ಲ.