“ನೆನನಪಾಗುತ್ತಿಲ್ಲ..’ ಹೀಗೊಂದು ಸಿನಿಮಾ ಸದ್ದಿಲ್ಲದೇ ಶೂಟಿಂಗ್‌ ಮುಗಿಸಿದ್ದು, ಬಿಡುಗಡೆ ಹಂತಕ್ಕೆ ಬಂದಿದೆ. ಮೊದಲ ಹಂತವಾಗಿ ಚಿತ್ರದ ಟ್ರೇಲರ್‌ ಬಿಡುಗಡೆಯಾಗಿದೆ. ಕರ್ನಾಟಕ ಚಲನಚಿತ್ರ ಅಕಾಡೆಮಿ ಅಧ್ಯಕ್ಷ ಸುನೀಲ್‌ ಪುರಾಣಿಕ್‌ ಚಿತ್ರದ ಟ್ರೇಲರ್‌ ಬಿಡುಗಡೆ ಮಾಡಿ ಶುಭಕೋರಿದರು.
ಇದು ಬಹುತೇಕ ಉತ್ತರ ಕರ್ನಾಟಕದ ಪ್ರತಿಭೆಗಳೇ ಸೇರಿ ಮಾಡಿರುವ ಸಿನಿಮಾ. ಈಶ್ವರ ಕಟ್ಟಿಮನಿ ಅವರ ಕಥೆಯನ್ನು ಆಧರಿಸಿ ಈ ಸಿನಿಮಾ ಮಾಡಲಾಗಿದ್ದು, ಗಂಗಾಧರ್‌ ಬಡಿಗೇರ್‌ ಚಿತ್ರದಲ್ಲಿ ನಾಯಕರಾಗಿ ನಟಿಸುವ ಜೊತೆಗೆ ನಿರ್ಮಾಣ ಕೂಡಾ ಮಾಡಿದ್ದಾರೆ. ದೇವದಾಸ್‌ ಈ ಚಿತ್ರದ ನಿರ್ದೇಶಕರು.
ಇದನ್ನೂ ಓದಿ:“ನಾನು ಪ್ರಾಕ್ಟಿಕಲ್ ಗರ್ಲ್..” ಮೇಘಶ್ರೀ ಹೇಳಿದ ಮನಸಿನ ಮಾತು
“ಈಶ್ವರ ಕಟ್ಟಿಮನಿ ಅವರ ಕಥೆ ಇಷ್ಟವಾಯಿತು. ಈ ಕಥೆ ಇವತ್ತಿನ ಕಾಲಘಟ್ಟಕ್ಕೆ ಪ್ರಸ್ತುತವಿದೆ. ಪ್ರತಿಯೊಬ್ಬರ ಮನಸ್ಸು ತಟ್ಟುವಂತಹ ಸಿನಿಮಾ ಇದಾಗಲಿದೆ’ ಎಂದರು.
ಚಿತ್ರದಲ್ಲಿ ಬಿರಾದಾರ್‌, ಆಂಜನಪ್ಪ, ಶೋಭರಾಜ್‌, ದಿವ್ಯಾ, ಕಿಲ್ಲರ್‌ ವೆಂಕಟೇಶ್‌, ಗುರುರಾಜ್‌ ಹೊಸಕೋಟೆ ನಟಿಸಿದ್ದಾರೆ. ಚಿತ್ರಕ್ಕೆ ಕಥೆ ಬರೆದ ಈಶ್ವರ್‌ ಕಟ್ಟಿಮನಿ ಕೂಡಾ ತಮ್ಮ ಸಿನಿಮಾದ ಅನುಭವ ಹಂಚಿಕೊಂಡರು.
