ಸೆ.4ಕ್ಕೆ ನೀಟ್‌ ಮರುಪರೀಕ್ಷೆ: ವಿದ್ಯಾರ್ಥಿನಿಯರಿಗೆ ಒಳಉಡುಪು ತೆಗೆಸಿದ್ದ ಪ್ರಕರಣ

ನವದೆಹಲಿ: ಕೇರಳದ ಕೊಲ್ಲಂ ಜಿಲ್ಲೆಯಲ್ಲಿ ಕಳೆದ ತಿಂಗಳು ನೀಟ್‌ ಪರೀಕ್ಷೆ ಬರೆಯಲು ಹೋದ ವಿದ್ಯಾರ್ಥಿನಿಯರಿಗೆ ಒಳಉಡುಪು ತೆಗೆಸಿದ್ದ ಹಿನ್ನೆಲೆಯಲ್ಲಿ ವಿವಾದವುಂಟಾದ ಕಾರಣ, ಆ ವಿದ್ಯಾರ್ಥಿನಿಯರಿಗೆ ಮತ್ತೂಮ್ಮೆ ನೀಟ್‌ ಪರೀಕ್ಷೆ ನಡೆಸಲು ರಾಷ್ಟ್ರೀಯ ಪರೀಕ್ಷಾ ಪ್ರಾಧಿಕಾರ(ಎನ್‌ಟಿಎ) ನಿರ್ಧರಿಸಿದ್ದು, ಈ ವಿದ್ಯಾರ್ಥಿನಿಯರಿಗೆ ಸೆ.4ರಂದು ಮರುಪರೀಕ್ಷೆ ನಡೆಯಲಿದೆ.

ಕೊಲ್ಲಂ ಮಾತ್ರವಲ್ಲದೇ ರಾಜಸ್ಥಾನ ಮತ್ತು ಮಧ್ಯಪ್ರದೇಶದ ತಲಾ 2 ಕೇಂದ್ರಗಳು, ಉತ್ತರ ಪ್ರದೇಶದ ಒಂದು ಕೇಂದ್ರದಲ್ಲಿಯೂ ನೀಟ್‌ ಮರುಪರೀಕ್ಷೆ ನಡೆಯಲಿದೆ.

ಜು.17ರಂದು ಪರೀಕ್ಷೆ ಬರೆಯಲು ಬಂದಿದ್ದ ವಿದ್ಯಾರ್ಥಿನಿಯರಿಗೆ ಒಳಉಡುಪನ್ನೂ ತೆಗೆಸಿದ್ದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಐವರು ಮಹಿಳಾ ಸಿಬ್ಬಂದಿ ಸೇರಿ ಒಟ್ಟು 7 ಸಿಬ್ಬಂದಿಯನ್ನು ಈಗಾಗಲೇ ಬಂಧಿಸಲಾಗಿದೆ.