ತೀರಾ ಹದಗೆಟ್ಟ ನೀರ್ಚಾಲು ವಿದ್ಯಾನಗರ ರಸ್ತೆ: ಸಂಚಾರ ಸಂಕಷ್ಟ

ವಿದ್ಯಾನಗರ: ನೀರ್ಚಾಲು ಮಾನ್ಯ ಕೊಲ್ಲಂಗಾನ ಕಲ್ಲಕಟ್ಟ ವಿದ್ಯಾನಗರ ರಸ್ತೆ ತೀರಾ ಹದಗೆಟ್ಟಿದ್ದು, ಸಂಚಾರ ಕಷ್ಟಕರವಾಗಿದೆ.

ಕಾಸರಗೋಡು  ಮುಂಡಿತ್ತಡ್ಕ ತೆರಳುವ ಬಸ್‌ಗಳು ಹಾಗೂ ನೂರಾರು ವಾಹನಗಳು ಈ ರಸ್ತೆಯಲ್ಲಿ ಪ್ರತಿದಿನ ಸಂಚರಿಸುತ್ತವೆ. ಈ ಮಾರ್ಗದ ಕೆಲವೆಡೆ ಭಾರೀ ಗಾತ್ರದ ಹೊಂಡಗಳು ಸೃಷ್ಟಿಯಾಗಿದ್ದು, ಕೆಸರು ನೀರು ತುಂಬಿಕೊಂಡಿದೆ.ಹೊಂಡದಿಂದ ಮೇಲೇರಲು ಹರಸಾಹಸ ದ್ವಿಚಕ್ರ ವಾಹನ, ರಿಕ್ಷಾ, ಕಾರುಗಳು ಅನಿವಾರ್ಯವಾಗಿ ಈ ಹೊಂಡ ಗಳಿಗೆ ಇಳಿದು ಮೇಲೆ ಏಳಲಾರದೆ ಸಂಕಷ್ಟ ಎದುರಿಸುವಂತಹ ಘಟನೆ ಹಲವು ಬಾರಿ ಸಂಭವಿಸಿವೆ.

ರಸ್ತೆ ಬದಿಯಲ್ಲಿ ಚರಂಡಿ ವ್ಯವಸ್ಥೆ ಇಲ್ಲದಿರುವುದು, ಸಂಬಧಪಟ್ಟವರು ರಸ್ತೆಯ ಸಮರ್ಪಕ ನಿರ್ವಹಣೆ ಮಾಡದಿರುವುದೇ ಈ ದುಸ್ಥಿತಿಗೆ ಕಾರಣ ಎಂದು ಸಾರ್ವಜನಿಕರು ದೂರಿದ್ದಾರೆ. ಇನ್ನಾದರೂ ಅಧಿಕಾರಿಗಳು, ಜನಪ್ರತಿನಿಧಿಗಳು ಇತ್ತ ಗಮನಹರಿಸಲಿ.