Advertisement

ಫಿನ್ಲಂಡ್‌ನ‌ಲ್ಲಿ ನೀರಜ್‌ ಚೋಪ್ರಾ ತರಬೇತಿ

11:07 PM May 25, 2022 | Team Udayavani |

ಹೊಸದಿಲ್ಲಿ: ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ಬಂಗಾರದ ಸಾಧನೆಗೈದ ನೀರಜ್‌ ಚೋಪ್ರಾ ಫಿನ್ಲಂಡ್‌ನ‌ಲ್ಲಿ ತರಬೇತಿ ಪಡೆಯುವುದಕ್ಕೆ ಸರಕಾರ ಅನುಮತಿ ನೀಡಿದೆ.

Advertisement

ನೀರಜ್‌ ಚೋಪ್ರಾ ಇಷ್ಟು ದಿನ ಟರ್ಕಿಯ “ಗ್ಲೋರಿಯಾ ಸ್ಪೋರ್ಟ್ಸ್ ಅರೇನಾ’ದಲ್ಲಿ ಅಭ್ಯಾಸ ನಡೆಸುತ್ತಿದ್ದರು. ಗುರುವಾರ ಫಿನ್ಲಂಡ್‌ಗೆ ಪ್ರಯಾಣ ಬೆಳೆಸಲಿದ್ದಾರೆ.

ಇಲ್ಲಿನ “ಕುವೊರ್ತಾನೆ ಒಲಿಂಪಿಕ್‌ ಟ್ರೇನಿಂಗ್‌ ಸೆಂಟರ್‌’ನಲ್ಲಿ ಜೂ. 22ರ ತನಕ ತರಬೇತಿ ಪಡೆಯಲಿದ್ದಾರೆ. ಇಲ್ಲಿ ಒಲಿಂಪಿಕ್ಸ್‌ ಮಟ್ಟದ ಒಳಾಂಗಣ ಹಾಗೂ ಹೊರಾಂಗಣ ಸೌಲಭ್ಯವಿದೆ. ಪ್ಯಾರಾಲಿಂಪಿಯನ್‌ ದೇವೇಂದ್ರ ಜಜಾರಿಯಾ ಕೂಡ ಇಲ್ಲಿಯೇ ತರಬೇತಿ ಪಡೆದಿದ್ದರು.

ಇಲ್ಲಿ ತರಬೇತಿ ಪಡೆದ ಬಳಿಕ ನೀರಜ್‌ ಚೋಪ್ರಾ “ಪಾವೊ ನುರ್ಮಿ ಗೇಮ್ಸ್‌’ನಲ್ಲಿ ಪಾಲ್ಗೊಳ್ಳಲು ಟುರ್ಕುಗೆ ತೆರಳಲಿದ್ದಾರೆ. ಬಳಿಕ ಕುವೊರ್ತಾನ್‌ನಲ್ಲಿಯೇ “ಕುವೊರ್ತಾನ್‌ ಗೇಮ್ಸ್‌’ನಲ್ಲಿ ಸ್ಪರ್ಧೆಗೆ ಇಳಿಯುವರು.

ತರಬೇತಿಯ ಅವಧಿಯಲ್ಲಿ ಫಿನ್ಲಂಡ್‌ನ‌ಲ್ಲಿ ಉಳಿಯಲಿರುವ ನೀರಜ್‌ ಚೋಪ್ರಾ ಅವರಿಗೆ ಯಾವುದೇ ತೊಂದರೆ ಆಗದಂತೆ ನೋಡಿಕೊಳ್ಳಬೇಕು ಎಂದು ನ್ಪೋರ್ಟ್ಸ್ ಅಥಾರಿಟಿ ಆಫ್ ಇಂಡಿಯಾ (ಸಾಯ್‌) ಹೆಲ್ಸಿಂಕಿಯಲ್ಲಿರುವ ಭಾರತೀಯ ರಾಯಭಾರ ಕಚೇರಿಗೆ ಸೂಚಿಸಿದೆ.

Advertisement

4 ವಾರಗಳ ಈ ತರಬೇತಿ ಸರಕಾರದ “ಟಾಪ್ಸ್‌’ ವ್ಯಾಪ್ತಿಗೆ ಬರಲಿದ್ದು. ಇದಕ್ಕಾಗಿ ಕ್ರೀಡಾ ಸಚಿವಾಲಯ ಸುಮಾರು 9.8 ಲಕ್ಷ ರೂ. ಆರ್ಥಿಕ ನೆರವು ನೀಡಲಿದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next