ಖ್ಯಾತ ನಟಿ ನಯನತಾರಾ ಆಸ್ತಿ ಬಗ್ಗೆ ನಿಮಗೆಷ್ಟು ಗೊತ್ತು?

ಚೆನ್ನೈ :  ನಯನತಾರಾ  ಸಿನಿ ಜರ್ನಿ ಇನ್ನೇನು ಮುಗಿಯಿತು ಎನ್ನುವಷ್ಟರಲ್ಲಿ ಮತ್ತೆ ಎದ್ದು ನಿಂತ ನಟಿ ಅವರು. ಸ್ಟಾರ್ ನಟರ ದೊಡ್ಡ ದೊಡ್ಡ ಸಿನಿಮಾಗಳಲ್ಲಿ ಅಭಿನಯಿಸಿದರು. ತಮ್ಮ ನಟನೆಗೆ ಸಂಭಾವನೆಯೂ ಹೆಚ್ಚಾಗಿಯೇ ಪಡೆದರು. ಸಿನಿಮಾ ಆಫರ್‌ ಗಳು ಅಧಿಕವಾದವು. ಖಾಸಗೀ ವಿಮಾನದಲ್ಲಿ ಓಡಾಡುವ ಮಟ್ಟಕ್ಕೆ ಬೆಳೆದು ನಿಂತಿದ್ದಾರೆ. ಹಾಗಾದ್ರೆ ಇಷ್ಟೆಲ್ಲಾ ಐಶಾರಾಮಿ ಜೀವನ ನಡೆಸುತ್ತಿರುವ ನಯನತಾರಾ ಒಂದು ಸಿನಿಮಾಗೆ ಸಂಭಾವನೆಯನ್ನು ಎಷ್ಟು ಪಡೆಯುತ್ತಿದ್ದಾರೆ.  ಅವರ ಆಸ್ತಿ ಎಷ್ಟು ಗೊತ್ತಾ?.

ನಯನ ವರ್ಷಕ್ಕೆ ನಾಲ್ಕೈದು ಸಿನಿಮಾದಲ್ಲಿ ನಟಿಸುವುದು ಪಕ್ಕಾ. 2019ರಲ್ಲಿ 7 ಸಿನಿಮಾ ಮಾಡಿದ್ರೆ, 2020ರಲ್ಲಿ 2 ಚಿತ್ರದಲ್ಲಿ ನಟಿಸಿದ್ದರು. ಪ್ರಸ್ತುತ, ನೆಟ್ರಿಕಣ್, ಅಣ್ಣಾತ್ತೆ ಹಾಗೂ ವಿಜಯ್ ಸೇತುಪತಿ ಜೊತೆ ಒಂದು ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದಾರೆ. ಒಂದು ಚಿತ್ರಕ್ಕೆ 3 ಕೋಟಿ ಚಾರ್ಜ್ ಮಾಡ್ತಾರೆ ಎಂದು ವರದಿಯಾಗಿದೆ.

ನಯನತಾರ  ಆಸ್ತಿ ಮೌಲ್ಯ ಸುಮಾರು 70 ಕೋಟಿ ಇದೆ ಎಂದು ಅಂದಾಜಿಸಿ ಜೂಮ್ ಎಂಟರ್‌ ಟೈನ್‌ಮೆಂಟ್ ವೆಬ್‌ಸೈಟ್ ಸುದ್ದಿ ಪ್ರಕಟಿಸಿದೆ ಇನ್ನು ನಯನತಾರ ಬಳಿ ಒಂದು ಆಡಿ ಕ್ಯೂ 7 ಕಾರಿದೆ. ಈ ಕಾರಿನ ಬೆಲೆ (ಆನ್‌ ರೋಡ್) 80 ಲಕ್ಷ. ಮತ್ತೊಂದು ಬಿಎಂಡಬ್ಲ್ಯೂ ಎಕ್ಸ್‌ 5 ಇದೆ . ಈ ಕಾರಿನ ಬೆಲೆ 75.21 ಲಕ್ಷ. ಇದು ಮೂಲಬೆಲೆ. ವಿಶೇಷತೆಗಳೊಂದಿಗೆ ಕಾರಿನ ಬೆಲೆ ಇನ್ನು ಹೆಚ್ಚಿರಬಹುದು.