ಜೈಲಲ್ಲಿರುವ ಅಸ್ವಸ್ಥ ನವಾಜ್‌ ಷರೀಫ್ ಭೇಟಿ ಮಾಡಿದ ತಾಯಿ, ಪುತ್ರಿ

ಲಾಹೋರ್‌ : ಭ್ರಷ್ಟಾಚಾರದ ಅಪರಾಧಕ್ಕಾಗಿ ಏಳು ವರ್ಷಗಳ ಜೈಲು ಶಿಕ್ಷೆಯನ್ನು ಅನುಭವಿಸುತ್ತಿರುವ ಅನಾರೋಗ್ಯ ಪೀಡಿತ ಮಾಜಿ ಪಾಕ್‌ ಪ್ರಧಾನಿ ನವಾಜ್‌ ಷರೀಫ್  ಅವರನ್ನು ತಾಯಿ ಹಾಗೂ ಪುತ್ರಿ ಇಲ್ಲಿನ ಕೋಟ್‌ ಲಖಪತ್‌ ಜೈಲಿನಲ್ಲಿ ಭೇಟಿಯಾಗಿ, ಷರೀಫ್ ಅವರ ಕುಸಿಯುತ್ತಿರುವ ಆರೋಗ್ಯದ ಬಗ್ಗೆ ತೀವ್ರ ಕಳವಳ ವ್ಯಕ್ತಪಡಿಸಿದರು.

69ರ ಹರೆಯದ ಷರೀಫ್ ಅವರು ಕಳೆದ ವರ್ಷ ಡಿಸೆಂಬರ್‌ನಿಂದ ಜೈಲು ಶಿಕ್ಷೆ ಅನುಭವಿಸುತ್ತಿದ್ದಾರೆ. ಅಲ್‌ ಅಜೀಜಿಯ ಸ್ಟೀಲ್‌ ಮಿಲ್‌ ಭ್ರಷ್ಟಾಚಾರ ಹಗರಣದಲ್ಲಿ ಅವರಿಗೆ ಜೈಲು ಶಿಕ್ಷೆಯಾಗಿತ್ತು. 

ಷರೀಫ್ ಅವರ ತಾಯಿ ಶಮೀಮ್‌ ಬೀಬಿ ಮತ್ತು ಪುತ್ರಿ ಮರ್ಯಾಮ್‌ ನವಾಜ್‌ ಅವರ ಜತೆಗೆ ಸಹೋದರ ಮತ್ತು ವಿಪಕ್ಷ ನಾಯಕ ಶಹಬಾಜ್‌ ಷರೀಫ್ ಹಾಗೂ ಖಾಸಗಿ ವೈದ್ಯ ಅದ್ನಾನ್‌ ಅವರೂ ಇದ್ದರು.