Navy: ನೌಕಾಪಡೆ ಕಾಪ್ಟರ್‌ ಪತನ- ಯೋಧ ಹುತಾತ್ಮ

ಕೊಚ್ಚಿ/ನವದೆಹಲಿ: ಕೇರಳದ ಕೊಚ್ಚಿಯ ಐಎನ್‌ಎಸ್‌ ಗರುಡ ನೌಕಾನೆಲೆಯಲ್ಲಿ ಭಾರತೀಯ ನೌಕಾಪಡೆಯ ಹೆಲಿಕಾಪ್ಟರ್‌ ಅಪಘಾತಕ್ಕೀಡಾಗಿದೆ. ಈ ದುರ್ಘ‌ಟನೆಯಲ್ಲಿ ಏರ್‌ಮ್ಯಾನ್‌ ಯೋಗೇಂದ್ರ ಸಿಂಗ್‌ ಹುತಾತ್ಮರಾಗಿದ್ದಾರೆ. ಕಾಪ್ಟರ್‌ನ ಪೈಲಟ್‌ ಆಗಿದ್ದ ಯೋಗೇಂದ್ರ ಚೇತಕ್‌ ಹೆಲಿಕಾಪ್ಟರ್‌ನ ಸ್ಥಿತಿಗತಿಯನ್ನು ಪರಿಶೀಲಿಸುತ್ತಿದ್ದರು.

ಈ ವೇಳೆ ಕಾಪ್ಟರ್‌ ಏಕಾಏಕಿ ನೌಕಾನೆಲೆಗೆ ಅಪ್ಪಳಿಸಿದೆ. ನೌಕಾಪಡೆ ಮುಖ್ಯಸ್ಥ ಅಡ್ಮಿರಲ್‌ ಆರ್‌.ಹರಿ ಕುಮಾರ್‌ ಯೋಗೇಂದ್ರ ಸಾವಿಗೆ ಕಂಬನಿ ಮಿಡಿದಿದ್ದಾರೆ. ಜತೆಗೆ ಘಟನೆಗೆ ಸಂಬಂಧಿಸಿ ತನಿಖೆಗೆ ಆದೇಶ ನೀಡಿದ್ದಾರೆ.