Advertisement

ನೌಕಾ ನಿಗ್ರಹ ಕ್ಷಿಪಣಿಯ ಚೊಚ್ಚಲ ಪರೀಕ್ಷೆ ಯಶಸ್ವಿ: ದೇಶೀಯವಾಗಿ ಅಭಿವೃದ್ಧಿಪಡಿಸಲಾದ ಕ್ಷಿಪಣಿ

11:49 PM May 18, 2022 | Team Udayavani |

ಹೊಸದಿಲ್ಲಿ: ದೇಶೀಯವಾಗಿ ಅಭಿವೃದ್ಧಿಪಡಿ­ಸ­ಲಾದ ನೌಕೆ ನಿಗ್ರಹ ಕ್ಷಿಪಣಿಯ ಚೊಚ್ಚಲ ಪ್ರಾಯೋಗಿಕ ಪರೀಕ್ಷೆ ಬುಧವಾರ ಯಶಸ್ವಿಯಾಗಿ ನೆರವೇರಿದೆ. ಒಡಿಶಾದ ಬಾಲಸೋರ್‌ನಲ್ಲಿ ಭಾರ­ತೀಯ ನೌಕಾಪಡೆಯು ತನ್ನ ಸೀಕಿಂಗ್‌ ಹೆಲಿಕಾ­ಪ್ಟರ್‌ ಮೂಲಕ ಇದರ ಪರೀಕ್ಷೆಯನ್ನು ನಡೆಸಿದೆ.

Advertisement

ಸ್ಥಾಪಿತ ಕ್ಷಿಪಣಿ ತಂತ್ರಜ್ಞಾನದಲ್ಲಿ ಸ್ವಾವಲಂಬನೆ ಸಾಧಿಸುವ ನಿಟ್ಟಿನಲ್ಲಿ ಈ ಫೈರಿಂಗ್‌ ಅತ್ಯಂತ ಮಹತ್ವವಾದದ್ದು. ಅಲ್ಲದೆ ಇದು ಸ್ವದೇಶೀಕರಣ­ದಲ್ಲಿ ಭಾರತೀಯ ನೌಕಾಪಡೆಯ ಬದ್ಧತೆಯನ್ನು ತೋರಿಸಿದೆ ಎಂದು ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ. ಭಾರತೀಯ ರಕ್ಷಣ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ(ಡಿಆರ್‌ಡಿಒ) ಸಹಭಾಗಿ­ತ್ವದಲ್ಲಿ ನೌಕಾಪಡೆಯು ಈ ಪರೀಕ್ಷೆಯನ್ನು ಯಶಸ್ವಿಯಾಗಿ ಪೂರೈಸಿದೆ. ಬ್ರಹ್ಮೋಸ್‌ ಸೂಪರ್‌ಸಾನಿಕ್‌ ಕ್ರೂಸ್‌ ಕ್ಷಿಪಣಿಯ ನೌಕಾ ನಿಗ್ರಹ ಆವೃತ್ತಿಯ ಪರೀಕ್ಷೆ ನಡೆದ ಒಂದು ತಿಂಗಳಲ್ಲೇ ಈ ಪರೀಕ್ಷೆಯೂ ನಡೆದಿದೆ.

ನಿಖರ ಗುರಿ ತಲುಪಿತು: ಸೀಕಿಂಗ್‌ 42ಬಿ ಹೆಲಿಕಾಪ್ಟರ್‌ ಈ ಕ್ಷಿಪಣಿಯನ್ನು ಉಡಾಯಿಸು­ತ್ತಿ­ರುವ ಸಣ್ಣ ವೀಡಿಯೋವನ್ನು ನೌಕಾಪಡೆಯು ಟ್ವಿಟ­ರ್‌ನಲ್ಲಿ ಹಂಚಿಕೊಂಡಿದೆ. ಕ್ಷಿಪಣಿಯು ಮೊದಲೇ ನಿಯೋಜಿಸಿದಂಥ ಪಥದಲ್ಲೇ ಸಾಗಿ, ಕರಾರು­ವಾಕ್ಕಾಗಿ ನಿಖರ ಗುರಿಯನ್ನು ತಲುಪಿದೆ. ಎಲ್ಲ ವ್ಯವಸ್ಥೆಗಳೂ ತೃಪ್ತಿದಾಯಕವಾಗಿ ಕಾರ್ಯ­ನಿರ್ವಹಿ­ಸಿದೆ ಎಂದು ಡಿಆರ್‌ಡಿಒ ಹೇಳಿದೆ. ಈ ಕ್ಷಿಪಣಿಯಲ್ಲಿ ಸ್ವದೇಶಿ ನಿರ್ಮಿತ ಲಾಂಚರ್‌ ಸೇರಿದಂತೆ ಹಲವಾರು ಹೊಸ ತಂತ್ರಜ್ಞಾನಗಳನ್ನು ಬಳಸಲಾಗಿದೆ. ಯಶಸ್ವಿಯಾಗಿ ಈ ಪರೀಕ್ಷೆ ಪೂರ್ಣಗೊಳಿಸಿದ ನೌಕಾಪಡೆ ಮತ್ತು ಡಿಆರ್‌ಡಿಒ ಸಂಸ್ಥೆಯನ್ನು ರಕ್ಷಣ ಸಚಿವ ರಾಜನಾಥ್‌ ಸಿಂಗ್‌ ಅಭಿನಂದಿಸಿದ್ದಾರೆ.

ಇದನ್ನೂ ಓದಿ : ಯು.ಕೆ. ಹಣದುಬ್ಬರ ಪ್ರಮಾಣ ಶೇ.9ಕ್ಕೇರಿಕೆ! 40 ವರ್ಷಗಳಲ್ಲಿ ಕಾಣದಂಥ ಏರಿಕೆ

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next